Skip tu di aatikl

Skip tu lis a tapik

 LIV YU LAIF AZ WAHN KRISTYAN

Mek Jehoava Teech Yu

Mek Jehoava Teech Yu

WAI DIS IMPOATANT: Jehoava aafa wi di bes ejukayshan eva. Ih teech how fi du beta eena wi laif, an ih pripyaa wi fi wahn wandaful fyoocha—ahn di ejukayshan free! (Isa 11:6-9; 30:20, 21; Rev 22:17) Chroo dis spirichwal nalij, Jehoava gi wi weh wi need fi shayr wahn mesij wid adaz weh wahn sayv dehn laif.—2Kor 3:5.

HOW FI DU DIS:

  • Chrai divelop gud kwalitiz, laik how fi bee hombl ahn meek.—Ps 25:8, 9

  • Aksep di chraynin weh avaylabl tu yu rait now, laik di styoodent asainment dehn weh wi geh da di meetinz

  • Set spirichwal goalz fi yuself.—Fil 3:13

  • Mek chaynjiz eena yu laif fi kwalifai fi geh moa chraynin—Fil 3:8

WACH DI VEEDYO WI GEH LATA BLESINZ WEN JEHOAVA TEECH WI, AHN DEN ANSA DEHNYA KWESCHANZ:

  • Wat da som a di chalenjiz sohn poblisha haftu deel wid soh dat dehn kud aten di Skool fi Kingdom Ivanjelaizaz?

  • Weh kaina chraynin di Skool fi Kingdom Ivanjelaizaz provaid?

  • How di membaz a di kangrigayshan help dehn wahn weh grajuayt fi ajos tu dehn asainment?

  • Weh sombadi haftu du fi kwalifai fi goh da di Skool fi Kingdom Ivanjelaizaz? (kr-E 189)

  • Wat da sohn ada chraynin wi ku chooz eena Jehoava aaganaizayshan?

If Ah mek Jehoava teech mi, wat da di blesinz Ah wahn geh?