Skip tu di aatikl

Skip tu lis a tapik

 LIV YU LAIF AZ WAHN KRISTYAN

Wi Haftu Preech ahn Teech fi Mek Disaipl

Wi Haftu Preech ahn Teech fi Mek Disaipl

Jeezas koman ih falowa dehn fi goh ahn mek disaipl. (Mach 28:19) Dis meenz wi haftu preech an teech. Fahn taim tu taim, wi shuda aks wiself, ‘How Ai ku du beta eena dehnya too impoatant paat a wi werk fi mek disaipl?ʼ

PREECH

Insteda wayt mek peepl kohn tu wee, wi haftu goh goh luk fi dehn wan weh waahn hyaa di Gud Nyooz. (Mach 10:11) Wen wi tek paat eena di minischri, wee luk fi eni apachooniti fi taak tu peepl weh deh rong wi? (Aks 17:17) Sayka weh Paal mi werk soh haad fi preech, Lidya geh fi bee wahn disaipl.—Aks 16:13-15.

“Plaant yu seed eena di maanin ahn noh mek yu han res til eevnin” (Ec 11:6)

WACH DI VEEDYO KANTINYU PREECH ‘WIDOWT STAPʼ—INFAAMALI AHN FAHN HOWS TU HOWS, AN DEN ANSA DEHNYA KWESCHAN:

  • How Samwel mi shoa dat hihn mi-di luk fi eni lee chaans fi plaant di seed a chroot evri day?

  • Wai wi haftu kip di tek paat eena aal difrent wayz a preechin?

  • Hoo yu ku shayr di Kingdom mesij wid az yu goh bowt yu day?

TEECH

Fi mek disaipl, wi haftu du moa dan jos lef lichricha wid peepl. Fi help dehn mek proagres, wi haftu mek ritern vizit ahn kandok Baibl stodiz. (1Kor 3:6-9) Sopoaz wi di werk haad fi teech sohnbadi di chroot, bot dehn noh mek moch proagres? (Mach 13:19-22) Wi shuda kantinyu saach fi dehn wan weh ga di rait haat kandishan.—Mach 13:23; Aks 13:48.

“Ai mi plaant di seed eena unu haat ahn Apolos waata it, bot Gaad da di Wan weh mek di plaant groa.” (1Kor 3:6)

WACH DI VEEDYO KANTINYU PREECH ‘WIDOWT STAPʼ—EENA POBLIK AHN MEK DISAIPL, AN DEN ANSA DEHNYA KWESCHAN:

  • How Salaman ahn Mayri mi waata di seed a chroot eena Izeekyel ahn Abigayl haat?

  • Wat shuda bee wi goal eena aala di difrent paats a di minischri, eevn poblik witnisin?

  • How wi ku mek shoar wi du moa fi teech adaz di chroot?