Skip tu di aatikl

Skip tu lis a tapik

 LIV YU LAIF AZ WAHN KRISTYAN

Jeezas Mi Ded fi Yu Brada Tu

Jeezas Mi Ded fi Yu Brada Tu

Jeezas mi sakrifais ih laif fi imperfek peepl. (Roam 5:8) Af koars, aala wi apreeshiayt dat Jeezas lov wi soh moch dat ih mi wilin fi giv op ih laif fi wi. Sohntaim doh, wi need fi rimain wiself dat Jeezas neva onli ded fi wee bot fi wi bradaz tu. How wee ku shoa wi bradaz ahn sistaz di sayhn kaina lov weh Jeezas mi shoa wee? Tink bowt dehnya chree wayz. Fos, wi ku ga moa frenz eena wi laif, dehn wan weh kohn fahn difrent bakgrong dan wee. (Roam 15:7; 2Ko 6:12, 13) Sekant, wi need fi bee kyaaful dat wi noh seh er du tingz weh ku ofen adaz. (Roam 14:13-15) Fainali, if sohnbadi sin gens wi, wi need fi bee redi fi fagiv. (Lk 17:3, 4; 23:34) If wi werk haad fi bee laik Jeezas eena dehnya wayz, Jehoava wahn kantinyu fi bles wi kangrigayshan wid pees ahn yooniti.

WACH DI VEEDYO GA BYOOTIFUL KWALITIZ! AHN DEN ANSA DEHNYA KWESCHAN:

  • How Miki mi fos feel bowt ih kangrigayshan?

  • Weh mi mek ih feelinz chaynj?

  • How Jeezas egzampl mi help Miki fi chaynj how shee tink? (Mk 14:38)

  • How Proverbs 19:11 ku help wi luk pahn wi bradaz ahn sistaz eena wahn pazitiv way?