Skip tu di aatikl

Yu Tink Sofarin Wahn Eva En?

Yu Tink Sofarin Wahn Eva En?

Yu wuda seh . . .

  • yes?

  • no?

  • maybi?

 DI BAIBL ANSA SEH:

“Gaad . . . wahn waip weh dehn aiywaata fahn dehn aiy. Dehn noh wahn ded nohmoh ner sofa, ner krai ner feel payn nohmoh.” —Revilayshan 21:3, 4, Di Nyoo Testiment eena Bileez Kriol.

HOW YU WAHN BENIFIT IF YU BILEEV DIS

Yu wahn bee shoar dat da noh Gaad di kaaz wi prablem dehn.—Jaymz 1:13.

Yu wahn feel komfert bikaaz yu noa seh dat Gaad feel wi payn wen wi sofa.—2 Tesaloanyanz 1:6, 7.

Yu wahn ga di shoar hoap dat aal sofarin wahn en.—Roamanz 16:20.

 WI KU REELI CHROS WEH DI BAIBL SEH?

Yes, fi at lees too reezn:

  • Gaad hayt sofarin ahn injostis. Bak eena di dayz weh di Baibl taak bowt, sohn peepl yoostu chreet Gaad peepl eena wahn kruwil way. How yu tink Jehoava Gaad mi feel bowt dat? Di Baibl seh dat hihn mi reeli feel sad bikaaz a how “dehn mi-di abyooz dehn.”—Judges 2:18, New World Translation (NW).

    Gaad reeli hayt wen peepl hert wan anada. Wahn egzampl a dis da wen di Baibl seh hihn hayt enibadi weh ga “han weh shed inosent blod.”—Proverbs 6:16, 17, NW.

  • Gaad kyaa bowt eech ahn evri wan a wi. Di Baibl seh: “Chroa aala yu woriz ahn kyaa pahn Gaad bikaaz hihn kyaa bowt yoo.”—1 Peeta 5:7.

    Soon, Jehoava wahn yooz fi hihn Kingdom fi geh rid a di sofarin weh eech wan a wi di goh chroo. (Machyu 6:9, 10) Meentaim wi wayt fi dat hapm, hihn gi komfert tu evribadi weh di luk far ahn wid wahn sinsyaa haat.—Aks 17:27; 2 Korintyanz 1:3, 4.

 TINK BOWT DIS

Wai Gaad talarayt sofarin?

Di Baibl gi wi di ansa da ROAMANZ 5:12 ahn 2 PEETA 3:9.