Skip tu di aatikl

Skip tu lis a tapik

 STODI POINT 7

Yooz Infamayshan Weh Karek ahn Weh Wahn Kanvins Adaz

Yooz Infamayshan Weh Karek ahn Weh Wahn Kanvins Adaz

Look 1:3

WEH FI DU: Yooz evidens weh yu aadyans ku chros fi help dehn kohn tu di karek andastandin.

HOW FI DU IT:

  • Yooz infamayshan weh yu ku chros. Bays yu koment dehn pahn di Werd a Gaad, ahn reed dairekli fan it wen yu kud. If yu menshan eniting bowt saiyens, wahn nyooz ripoat, wahn ekspeeryens, er som ada evidens, chek heda taim fi mek shoar dat weh yu wahn seh karek an op-tu-dayt.

  • Eksplayn tingz eena di rait way. Eksplayn skripchaz bays pahn di kanteks, di oavaraal mesij a di Baibl, ahn di poblikayshanz fahn di faytful ahn diskreet slayv. (Mach. 24:45) If yu wahn koat owtsaid infamayshan, mek shoar yu seh weh di raita mi meen ahn dat yu noh di seh sohnting difrent.

  • Reezn pahn di evidens. Afta yu reed wahn skripcha er yu koat fahn sohnweh els, aks kweschanz er yooz wahn iloschrayshan fi help yu aadyans geh di point.