Skip tu di aatikl

Skip tu lis a tapik

 STODI POINT 19

Chrai Yu Bes fi Reech Peepl Haat

Chrai Yu Bes fi Reech Peepl Haat

Proverbs 3:1

WEH FI DU: Help yu aadyans er howshoalda fi apreeshiayt weh dehn di laan ahn fi du sohnting bowt it.

HOW FI DU IT:

  • Help yu aadyans fi egzamin dehnself. Aks di kaina kweschanz weh wahn mek dehn egzamin fi dehn oan feelinz.

  • Help dehn fi du tingz fi di rait reezn. Inkorij di aadyans fi egzamin wai dehn di chrai du gud. Help dehn du it fi di rait reezn—lov fi Jehoava, fi peepl, ahn fi di difrent Baibl teechin dehn. Help dehn fi si dat di Baibl ku benifit dehn; chrai fi reech dehn haat; noh lekcha dehn. Insteda shaym op peepl, inkorij dehn soh dat dehn waahn du dehn bes.

  • Dairek atenshan tu Jehoava. Point owt how Baibl teechinz, prinsiplz, ahn di koman dehn shoa Gaad kwalitiz an ih lov fi wi. Help yu aadyans er howshoalda fi tink bowt how Jehoava feel ahn how fi pleez hihn.