Skip tu di aatikl

Skip tu lis a tapik

 STODI POINT 14

Mek Shoar di Mayn Point Dehn Stan Owt

Mek Shoar di Mayn Point Dehn Stan Owt

Heebrooz 8:1

WEH FI DU: Help yu aadyans fi fala lang wid yu taak, ahn shoa klayr-wan weh eech mayn point ga fi du wid di perpos ahn teem a yu taak.

HOW FI DU IT:

  • Noa wat da di perpos. Kansida if yu taak da jos fi infaam, fi kanvins, er fi moov yu aadyans fi du sohnting. Den yooz da infamayshan fi help yu pripyaa yu taak. Mek shoar dat aala di mayn point dehn wahn help yu fi get kraas di perpos a yu taak.

  • Foakos pahn di teem a yu taak. Chroo di hoal taak, ripeet di mayn werdz a di teem er yooz werdz weh ga di saym meenin.

  • Kip yu mayn point dehn klayr ahn simpl. Chooz onli mayn points weh goh lang wid yu teem. Dat wahn help yu fi teech beta, ahn yu wahn don yu taak pahn taim. Noh put een tu moch mayn points, rada, tek di taim fi eksplayn eech mayn point, paaz in bitween, ahn goh fahn wan point tu di neks eena wahn smood way.