Skip tu di aatikl

Skip tu di ada menyoo

Jehoava Witnisiz

Bileez Kriol

Weh Yu Tink Bowt di Baibl?

Weh Yu Tink Bowt di Baibl?

Yu wuda seh dat . . .

  • da wahn buk fahn man?

  • da wahn buk a loan lai ahn stoari?

  • da di Werd a Gaad?

 DI BAIBL ANSA SEH:

“Da Gaad mek peepl rait dong aal weh . . .eena ih Skripcha.”—2 Timoti 3:16, Di Nyoo Testiment eena Bileez Kriol.

HOW YU WAHN BENIFIT IF YU BILEEV DIS

Yu wahn kud fain ansa tu di moas impoatant kweschan dehn eena laif.—Jaymz 1:25.

Yu wahn geh gaidans weh yu kud pen pan day bai day.—Psalm 119:105, New World Translation (NW).

Yu wahn ga wahn shoar hoap fi di fyoocha.—Roamanz 15:4.

 WI KU REELI CHROS WEH DI BAIBL SEH?

Yes, fi at lees chree reezn:

  • Ih noh kanchradik ihself. Ih mi tek bowt 40 difrent man moa dan 1,600 yaaz fi rait di Baibl. Moas a dehn neva eevn mi noa wan anada. Ahn stilyet, ih noh kanchradik ihself, in fak, evriting fit tugeda az wan!

  • Ih aanis. Peepl weh rait hischri ten fi kova op di mistayk dehn weh dehn peepl mek. Pahn di ada han, di man dehn weh rait di Baibl rait dong dehn oan mistayk ahn di mistayk a dehn peepl.—Machyu 26:56; 2 Korintyanz 1:10-13.

  • Ih prafesi dehn aalwayz kohn chroo. Moa dan 700 yaaz bifoa Jeezas baan, di Baibl mi don seh ih mi wahn baan da Betlihem, weh da-mi wahn smaal tong eena di dischrik a Jooda. (Micah 5:2, NW) Soh wehpaat yu tink ih mi baan fi chroo? Rait deh eena da sayhn tong!—Machyu 2:1-6.

Wahn lata ada prafesi weh deh eena di Baibl don kohn chroo, dong tu di leelis deetayl!—2 Peeta 1:21.

 TINK BOWT DIS

How di Baibl kud mek yu laif beta?

Di Baibl gi wi di ansa da MACHYU 11:29, 30 ahn 2 TIMOTI 3:16, 17.