Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Lisn tu Gaad ahn Liv Fareva

 PAAT 9

Wen Di Ert Wahn Bee Wahn Paradais?

Wen Di Ert Wahn Bee Wahn Paradais?

Di chroblz pahn di ert shoa dat Gaad Kingdom wahn soon kohn. Look 21:10, 11; 2 Timoti 3:1-5

Di Baibl mi don tel wi bowt lata di ting dehn weh di hapm tudeh. Ih mi seh dat peepl wahn lov moni ahn dehn noh wahn lisn tu dehn ma ner dehn pa. Dehn wahn ak kruwil ahn dehn wahn onli tink bowt dehn oan plezha aal di taim.

Big ertkwayk ahn lata waar wahn deh. Peepl wahn di staav ahn dizeez wahn di spred aal oava di werl. Wi si aala dehnya ting di hapm now.

Jeezas mi seh dat di gud nyooz bowt Gaad Kingdom wahn geh preech aal oava di ert.—Machyu 24:14.

 Gaad Kingdom wahn geh rid a aal wikidnis. 2 Peeta 3:13

Soon, Jehoava wahn dischrai di wikid peepl dehn.

Saytan ahn di deemonz wahn geh ponish.

Dehn wan weh lisn tu Gaad wahn servaiv fi liv eena Paradais pahn di ert. Ih wahn bee wahn werl weh peepl noh wahn frayd; peepl wahn lov ahn chros wan anada.