Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Lisn tu Gaad ahn Liv Fareva

 PAAT 3

How Laif Mi Stan Eena di Gyaadn a Eedn?

How Laif Mi Stan Eena di Gyaadn a Eedn?

Jehoava mi giv Adam ahn Eev evriting weh dehn mi need. Genesis 1:28; Aks 17:25

Jehoava mek di fos uman, Eev, ahn giv ahn tu Adam fi bee ih waif.—Maak 10:6, 7.

Jehoava mek dehn wid perfek main ahn badi. Notn mi rang wid dehn.

Dehn hoam da-mi wahn byootiful paradais—di gyaadn a Eedn. Ih had een wahn riva ahn lata animal ahn froot chree.

Jehoava yoostu taak tu dehn ahn teech dehn. If dehn mi lisn tu ahn, dehn wuda mi liv fareva eena Paradais pahn di ert.

 Gaad seh noh fi eet fahn wan a di chree dehn. Genesis 2:16, 17

Jehoava mi shoa Adam ahn Eev wan a di froot chree eena di gyaadn ahn ih tel dehn dat if dehn eet fahn it, dehn wahn ded.

Wan a di aynjel dehn mi gaahn gayntz Gaad. Da wikid aynjel da Saytan di Devl.

Saytan neva waahn mek Adam ahn Eev obay Jehoava. Soh, Saytan yooz wahn snayk fi tel Eev dat if shee eet di froot, ih noh wahn ded. Hihn tel ahn dat shee wahn bee laik Gaad. Dat da-mi loan lai!—Genesis 3:1-5; 1 Timoti 2:14.