Skip tu di aatikl

Skip tu lis a tapik

 PAAT 13

Weh Wi Mos Du fi Pleez Gaad?

Weh Wi Mos Du fi Pleez Gaad?

Kip weh fahn weh bad. 1 Korintyanz 6:9, 10

If wi lov Jehoava, wi noh wahn du di ting dehn weh hihn hayt.

Jehoava noh waahn wi teef, er geh jronk, er abyooz jrogz.

Gaad hayt merda, aboarshan, ahn seks bitween too man er too uman. Hihn noh waahn mek wi bee grabalishos er fait wid wan anada.

Wi noh fi yooz aidol fi wership, ahn wi noh fi deel wid spiritizm, laik oabya er blak majik.

Enibadi weh du bad ting wahn kyaahn liv eena Paradais pahn di ert.

 Du weh gud. Machyu 7:12

Fi pleez Gaad, wi mos chrai bee laik hihn.

Wi shoa lov tu peepl wen wi ak kain ahn wi wilin fi shyaa weh wi hav.

Tel di chroot aal di taim.

Shoa mersi ahn fergiv adaz.

Tel peepl bowt Jehoava ahn mek dehn noa fi hihn wayz.—Roamanz 10:13-15.