Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Gud Nyooz Fahn Gaad!

 LESN 14

Wai Gaad Hav Wahn Aaganaizayshan?

Wai Gaad Hav Wahn Aaganaizayshan?

1. Wai Gaad mi aaganaiz di Izrelait dehn?

Gaad mi aaganaiz Aybraham disendant dehn intu wahn nayshan ahn gi dehn wahn set a laa. Hihn mi kaal da nayshan “Izrel,” ahn dehn mi rispansabl fi protek chroo wership ahn fi hihn werd. (Psalm 147:19, 20) Peepl fahn evri nayshan kuda mi benifit fahn Izrel.​—Reed Aks 3:25.

Gaad mi pik di Izrelait dehn fi bee fi hihn witnisiz. Fi dehn hischri shoa wi how peepl benifit wen dehn obay Gaad laa. (Deuteronomy 4:6) Soh den, chroo di Izrelait dehn, ada peepl kuda mi geh fi noa di chroo Gaad.​—Reed Isaiah 43:10, 12.

2. Wai chroo Kristyanz aaganaiz?

Afta sohn taim, di Izrelait dehn neva waahn lisn tu Gaad nohmoh, soh Jehoava rijek dehn ahn set op di Kristyan kangrigayshan. (Machyu 21:43; 23:37, 38) Now, chroo Kristyanz tek di plays a di Izrelait dehn fi giv wahn witnis fi Jehoava.​—Reed Aks 15:14, 17.

Jeezas mi aaganaiz ih falowaz fi preech tu peepl fahn aal difrent nayshan, ahn teech dehn fi bee fi hihn disaipl. (Machyu 10:7, 11; 24:14; 28:19, 20) Dis preechin werk di hapm now moa dan eva, wen di en a di werl soon kohn. Fi di fos taim eena hischri, Jehoava bring milyanz a peepl tugeda fahn aal nayshan fi wership hihn di karek way. (Revilayshan 7:9, 10) Fi mek dehn ku help ahn inkorij wan anada, chroo Kristyanz hafu bee aaganaiz. Aal oava di werl, da fi dehn meetin, dehn injai di sayhn proagram a Baibl teechinz.​—Reed Heebrooz 10:24, 25.

 3. How di aaganaizayshan a Jehoava Witnisiz, weh egzis tudeh, mi staat op?

Fi yaaz rilijan neva mi-di teech di chroot fahn di Baibl. Soh bak eena di 1870’s, wahn lee groop a Baibl styoodent staat saach fi di chroot ahn dehn fain it. Dehn mi noa dat Jeezas mi aaganaiz di Kristyan kangrigayshan fi preech, soh dehn staat preech bowt di Kingdom aal oava di werl. Eena 1931 dehn tek aan di naym Jehoava Witnisiz.​—Reed Aks 1:8; 2:1, 4; 5:42.

4. How Jehoava Witnisiz aaganaiz tudeh?

Fahn eena di dayz a di apasl dehn, di Kristyan kangrigayshan staat groa ahn spred eena difrent ayrya. Soh di apasl dehn, lang wid sohn ada eldaz, mi faam wahn govanin badi fi gaid aal di difrent kangrigayshan. Aala dehn mi aksep dat Jeezas da di Hed a di kangrigayshan, ahn dis mi benifit evribadi. (Aks 16:4, 5) Sayhn way tudeh, Jehoava Witnisiz aal oava di werl geh gaidans fahn wahn groop a eldaz wid lata ekspeeryens, weh faam di Govanin Badi. Dehn kip chrak a aal di branch aafis dehn weh chranslayt, print, ahn sen owt poblikayshanz weh wi yooz fi stodi di Baibl eena moa dan 600 langwij. Eena dis way, di Govanin Badi ku provaid inkorijment ahn dairekshan fahn di Baibl tu oava 100,000 kangrigayshan aal oava di werl. Eena evri kangrigayshan, som a di bradaz dehn weh kwalifai, serv az eldaz. Dehnya eldaz tek kayr a Gaad sheep wid lov.​—Reed 1 Peeta 5:2, 3.

Jehoava Witnisiz aaganaiz fi preech di gud nyooz ahn mek disaipl. Jos laik di apasl dehn, wi preech fahn hows tu hows. (Aks 20:20) Wee wilin fi stodi di Baibl wid peepl weh reeli lov di chroot. Bot Jehoava Witnisiz da noh jos wahn aaganaizayshan. Wee da wahn famili wid wahn lovin Faada. Wee da bradaz ahn sistaz weh kay bowt wan anada. (2 Tesaloanyanz 1:3) Bikaaz Jehoava peepl aaganaiz fi du fi hihn wil ahn help ada peepl, dehn da di hapiyis famili pahn di ert.​—Reed Aks 20:35; 1 Peeta 2:9.