Skip tu di aatikl

Skip tu di ada menyoo

Jehoava Witnisiz

Bileez Kriol

Di ded—yu tink dehn kud liv agen?

Di ded—yu tink dehn kud liv agen?

Yu wuda seh . . .

  • yes?

  • no?

  • maybi?

 DI BAIBL ANSA SEH:

“Gaad wahn rayz op” di ded.—Aks 24:15, Di Nyoo Testiment eena Bileez Kriol.

HOW YU WAHN BENIFIT IF YU BILEEV DIS

Yu wahn geh komfert wen sombadi weh yu lov ded.—2 Korintyanz 1:3, 4.

Yu wahn feel free fahn di fyaa a det.—Heebrooz 2:15.

Yu wahn ga di shoar hoap fi get bak tugeda wid di wan dehn weh yu lov weh don ded.—Jan 5:28, 29.

 WI KU REELI CHROS WEH DI BAIBL SEH?

Yes, fi at lees chree reezn:

  • Gaad da di Kriyayta a laif. Di Baibl seh dat Jehoava Gaad da di “Wan weh laif kohn fram.” (Psalm 36:9, New World Translation (NW ); Aks 17:24, 25) Soh, if hihn da di Wan weh gi laif tu aal ­livin ting, den hihn mos ku gi laif bak tu sombadi weh don ded.

  • Gaad mi resorek sohn peepl aredi. Di Baibl tel wi bowt ayt difrent peepl—yong ahn oal, man ahn laydi—weh Gaad bring bak tu laif rait ya pahn di ert. Som a dehn mi ded fi jos wahn lee wail, bot wan a dehn mi deh eena ih toom fi foa dayz!—Jan 11:39-44.

  • Gaad eega fi rezorek peepl agen. Jehoava hayt det; tu hihn da laik wahn enimi. (1 Korintyanz 15:26) Hihn “ga wahn langin” fi dischrai da enimi, fi geh rid a det chroo di rezorekshan. Ih eega fi bring bak aal hoo deh eena fi hihn memri ahn fi si dehn di liv pahn di ert agen.Job 14:14, 15, NW.

 TINK BOWT DIS

Wai wi geh oal ahn ded?

Di Baibl gi wi di ansa da GENESIS 3:17-19, NW, ahn ROAMANZ 5:12.