Skip tu di aatikl

MAY 8, 2018
AZERBAIJAN

Di Azerbaijan Sopreem Koat Agree fi Pay Irina Zakharchenko ahn Valida Jabrayilova

Di Azerbaijan Sopreem Koat Agree fi Pay Irina Zakharchenko ahn Valida Jabrayilova

Pahn Aypril 16, 2018, di Sopreem Koat a Azerbaijan mi agree wid di disizhan a wahn loawa koat fi pay bak Irina Zakharchenko ahn Valida Jabrayilova fi di haad taimz weh dehn mi gaahn chroo wen dehn mi deh eena prizn fi 11 monts. Erliya, eena Febiweri 2017, di Sopreem Koat mi free di too sistaz ahn jrap dehn kriminal chaaj dat dehn mi-di giv owt rilijos lichricha widowt permishan fahn di govament. Bot di Sopreem Koat mi lef di disizhan bowt weda fi pay dehn eniting op tu di sivil koat.

Afta dehn mi jrap di chaajiz, Ms. Zakharchenko ahn Ms. Jabrayilova, hoo da Jehoava Witnisiz, mi waahn di sivil koat pay dehn fi di bad chreetment weh dehn mi get. Eena Aagas 2017, wahn dischrik koat mi agree fi pay dehn, bot di Minischri a Fainans mi aks fi mek dehn get wahn neks disizhan fahn wahn haiya koat. Eena Novemba 2017, wahn koat weh deel espeshali wid dehnya kaina sichuwayshan mi stik wid di disizhan weh di dischrik koat mi mek. Den di Minischri mi sen een wahn ofishal komplaynt tu di Sopreem Koat eena Febiweri 2018 kaaz dehn neva laik da disizhan. Di Sopreem Koat mi tern dong dehn rikwes ahn dehn mi stik wid di orijinal disizhan, weh da-mi fi mek dehn pay di too uman.

Ahn dehn mi du eevn moa dan pay dehn. Di Sopreem Koat mi rekonaiz di abyoos weh Ms. Zakharchenko ahn Ms. Jabrayilova mi gaahn chroo. Dehn mi seh dat di ofishal dehn mi tek advantij a dehn atariti an abyooz di raits a dehnya inosent uman.