Septemba 29–Aktoaba 5
IKLEEZIYASTEEZ 3-4
Sang 93 ahn Pryaa | Inchrodokshan (1 min.)
Spen taim wid eech ada ahn wid Jehoava
1. Schrentn Yu Marij
(10 min.)
Mek taim fi taak bowt impoatant tingz an inkorij eech ada (Ik 3:1; ijwhf aatikl nomba 10 ¶2-8)
Du tingz tugeda (Ik 4:9; w23.05 23-24 ¶12-14)
Schrentn unu rilayshanship wid Jehoava (Ik 4:12; w23.05 21 ¶3)
AKS YU SELF, ‘Weh ku hapm if Ah spen wahn lata taim apaat fahn mi marij mayt? Fi egzampl, weh ku hapm if wi goh pahn haliday widowt eech ada er if wan a wi haftu chravl widowt di ada bikaaz a werk?ʼ
2. Spirichwal Chrezhaz
(10 min.)
-
Ik 3:7—How dis Baibl prinsipl ku help wi wen wi deh anda ban? (w19.07 11 ¶14)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ik 4:1-16 (th stodi point 2)
4. How fi Staat Wahn Kanvasayshan
(3 min.) HOWS TU HOWS. Yooz The Watchtower No. 1 2025 fi staat wahn kanvasayshan. Di persn waahn taak bowt sohnting els, soh yu staat taak tu dehn bowt dat. (lmd lesn 2 point 5)
5. How fi Mek Ritern Vizit
(4 min.) PREECH ENITAIM. Aafa wahn Baibl stodi tu sohnbadi weh mi aksep The Watchtower No. 1 2025. (lmd lesn 9 point 4)
6. Taak
(5 min.) lmd apendiks A point 12—Teem: Gaad Chreet Evribadi di Saym Way. (th stodi point 19)
Sang 131
7. Wen Marij Prablemz Kom Op, Chros Dat Jehoava Wahn Gaid Yu
(15 min.) Diskoshan.
Jehoava gi wi evriting weh wi need fi ga wahn hapi marij. Bot wahn hozban ahn waif mait noh aalwayz gree, er sohntaim prablemz mait kom op. (1Ko 7:28) If dehn noh chrai fiks di prablem kwik, dehn mait hert eech ada moa ahn dehn rilayshanship noh wahn get beta. Wat if dat da how fi yoo marij stan?
Di veedyo weh naym Wat Da Chroo Lov? da bowt wahn kopl weh ga seeryos prablemz eena dehn marij. Yoo memba di advais weh di gyal pa mi giv ahn wen ih mi wahn mek wahn disizhan widowt tink bowt weh Jehoava waahn?
Play di VEEDYO weh naym Wat Da Chroo Lov?—Veedyo Klip. Den aks di aadyans:
-
Wen prablemz kom op eena wi marij, wai wi shuda chros di advais weh Jehoava gi wi?—Ai 48:17; Ma 19:6
If yu di goh chroo seeryos prablemz eena yu marij, stik tu yu spirichwal skejul. Werk haad fi yooz Baibl prinsiplz fi help unu fiks di prablem, ahn luk fi moa infamayshan eena wi poblikayshanz weh wahn help yu fi andastan how Jehoava feel bowt unu sichuwayshan ahn weh hihn waahn unu du. Wen yu du dat, yu shoa dat yu waahn Jehoava help unu.—Pr 10:22; Ai 41:10.
Play di VEEDYO weh naym Noh Mek Dis Werl Chrik Yu, Oanli Gaad Ku Gi Reel Pees—Darrel and Deborah Freisinger. Den aks di aadyans:
-
Weh yu laan fahn di way how Brada ahn Sista Freisinger mi deel wid prablemz eena dehn marij?
8. Kangrigayshan Baibl Stodi
(30 min.) lfb lesn 22, di inchrodokshan fi sekshan 5, ahn lesn 23
