Aktoaba 20-26
IKLEEZIYASTEEZ 9-10
Sang 30 ahn Pryaa | Inchrodokshan (1 min.)
1. How Yu Shuda Vyoo Yu Chraiyalz?
(10 min.)
Noh bikaaz wi di goh chroo chraiyalz meenz dat Jehoava beks wid wi (Ik 9:11; w23.01 15 ¶4)
Wi noa dat laif noh fyaa eena Saytan sistem (Ik 10:7; w19.09 5 ¶10)
Tek taim fi injai di gud tingz weh Jehoava gi wi, eevn wen wi di goh chroo chraiyalz (Ik 9:7, 10; w11-E 10/15 8 ¶1-2)
2. Spirichwal Chrezhaz
(10 min.)
-
Ik 10:12-14—Weh dehnya vers tel wi bowt gasip? (lvs 162-163 ¶11, 12)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ik 10:1-20 (th stodi point 11)
4. How fi Staat Wahn Kanvasayshan
(3 min.) POBLIK WITNISIN. Staat wahn kanvasayshan wid sohnbadi weh luk sad. (lmd lesn 3 point 4)
5. How fi Staat Wahn Kanvasayshan
(4 min.) PREECH ENITAIM. Di persn tel yu dehn di wori bowt moni prablemz. Shayr wan a di “Lesnz Fahn di Baibl Wi Lov fi Teech” weh dehn eena di Lov Peepl broashoar apendiks A. (lmd lesn 4 point 4)
6. How fi Mek Disaiplz
(5 min.) lff lesn 17 “Weh Wi Laan?,” “Mek Wi Rivyoo,” ahn “Weh Ah Ku Werk Pan” sekshan a di lesn. (lmd lesn 12 point 3)
Sang 47
7. Jehoava Wahn Help Yu Wen Bad Tingz Hapm
(15 min.) Diskoshan.
Evriday wi goh chroo aal kaina ting. Sohntaim, sohnting terabl mait hapm tu wi ahn wi noh noa weh fi du er if wi ku eevn bayr it. Hoo ku help wi wen wi goh chroo tingz laik dat, ahn weh wee ku du?
Noh mata weh yu goh chroo, Jehoava wahn aalwayz “mek yu feel sayf.” (Ai 33:6) If wi waahn Jehoava help wi, wi need fi bee reeznabl ahn bee hombl. (Pr 11:2) If sohnting bad hapm tu wi, wi need fi tek nof taim fi tek kayr a wiself ahn di peepl weh wi lov, fi mek waiz disizhanz, ahn fi proases how wi feel bowt weh mi hapm. (Ik 4:6)
Laik how Jehoava yooz ih peepl fi schrentn wan anada, wi need fi bee wilin fi aksep help fahn adaz. Ahn sohntaim wi mait eevn need fi aks fi help. Memba dat yu bradaz ahn sistaz lov yu wahn lat ahn dehn hapi fi help yu.
Reed 2 Korintyanz 4:7-9. Den aks di aadyans:
-
Wai wi shuda du wi bes fi stik tu wi spirichwal skejul eevn wen dat haad fi du?
Play di VEEDYO weh naym “Jehoava Deh Kloas tu Enibadi Weh Di Sofa.” Den aks di aadyans:
-
How Jehoava mi help Brada ahn Sista Septer?
-
How dehn bradaz ahn sistaz mi help dehn?
-
Wat els yu laan fahn dehn egzampl?
8. Kangrigayshan Baibl Stodi
(30 min.) lfb lesn 28, di inchrodokshan tu sekshan 6, ahn lesn 29
