Saam 3:1-8

  • Chros eena Gaad eevn joorin daynjaros taimz

    • “Wai Ai ga soh moch enimiz?” (1)

    • “Oa Jehoava, yoo da di wan weh sayv peepl” (8)

Wahn sang weh Dayvid mi rait joorin di taim hihn mi-di ron weh fan ih son Absalom. 3  Oa Jehoava, wai Ai ga soh moch enimiz? Wai soh moch peepl deh gens mi?  2  Dis da weh lata peepl di seh bowt mi:* “Gaad noh wahn sayv ahn.” (Seela)  3  Bot yoo, Oa Jehoava, da wahn sheel weh deh rong mi. Yoo wahn aana mi, ahn yu wahn help mi hoal mi hed op hai agen.  4  Oa Jehoava, Ah wahn krai owt tu yoo fi help,Ahn yu wahn ansa mi fahn yu hoali mongtin. (Seela)  5  Ai wahn lidong ahn sleep;Ahn wen Ah wayk op Ai wahn feel sayf,Bikaaz yoo, Oa Jehoava, wahn kantinyu fi help mi.  6  Eevn doa Ah ga towznz a enimiz rong mi weh redi fi atak mi,Ah noh frayd fi non a dehn.  7  Oa Jehoava, pleez help mi! Oa mi Gaad, sayv mi! Yu wahn ponch aala mi enimi pahn dehn jaa;Yu wahn brok op di wikid peepl dehn teet.  8  Oa Jehoava, yoo da di wan weh sayv peepl. Ahn yoo bles yu peepl. (Seela)

Futnoat

^ Er “mi soal.” Si di Glasari, “Soal.”

Kapirait fi dis poblikayshan