Praverbz 21:1-31

  • Jehoava dairek wahn king haat (1)

  • Ih beta fi chreet adaz fyaa dan fi aafa op wahn sakrifais (3)

  • Wen yu werk haad, yu wahn ga sokses (5)

  • Sohnbadi weh noh help wahn poa persn noh wahn geh no help (13)

  • No kaina wizdom egzis weh ku stap Jehoava fahn du weh ih waahn du (30)

21  Wahn king haat da laik waata eena Jehoava han. Hihn ku mek ih goh eniway wehpaat ih waahnt ih goh.   Wahn persn tink dat weh ih di du da di rait ting fi du,Bot Jehoava noa weh deh eena ih haat.   Jehoava hapiya wen sombadi du weh rait ahn chreet adaz fyaaMoa dan wen dehn aafa op wahn sakrifais.   Wikid peepl prowd ahn boasi,Ahn dat da laik wahn lamp weh gaid dehn, bot dat da wahn sin.   Wen wahn haad werkin persn mek planz, ih wahn ga sokses,Bot evribadi weh hori du tingz widowt tink wahn en op poa.   Wen sombadi lai soh dat dehn ku geh richiz,Dat da laik fag weh disapyaa faas ahn laik wahn chrap weh ku kil dehn.   Wikid peepl wahn geh dischrai sayka dehn oan vailens,Bikaaz dehn rifyooz fi du tingz weh fyaa.   Wahn gilti persn waak pahn wahn krukid road,Bot wahn inosent persn du weh rait.   Ih beta fi liv pahn di kaana a di roofDan fi liv eena di saym hows wid wahn waif weh laik kwaaril.* 10  Di wikid persn onli waahn du weh bad;Ih noh shoa no kompashan tu ih nayba. 11  Wen dehn ponish sombadi weh laik mek fon a adaz, di persn weh noh ga ekspeeryens wahn geh moa waiz,Ahn wahn waiz persn geh nalij* wen ih laan moa tingz. 12  Di Raichos Wan* noa weh di wikid peepl famili dehn di du,Ahn hihn dischrai wikid peepl. 13  Enibadi weh kloaz dehn ayz wen wahn poa persn di beg dehn fi helpNoh wahn geh no help wen dehn need help. 14  Wahn seekrit gif ku mek sombadi weh beks kaam dong,Ahn wahn seekrit braib ku mek sombadi weh beks bad kaam dong. 15  Raichos peepl hapi wen dehn du tingz weh fyaa,Bot peepl weh du wikid tingz hayt tingz weh rait. 16  Wahn man weh stap yooz di wizdom weh ih ga wahn res lang wid ded peepl. 17  Sombadi weh aalwayz waahn ga fon* wahn en op di bee poa,Ahn sombadi weh lov ail ahn wain noh wahn geh rich. 18  Wikid peepl da wahn ransom* fi raichos peepl,Ahn wahn chriki persn wahn geh ponish insteda wahn raichos persn. 19  Ih beta fi liv eena di wildanes*Dan fi liv wid wahn waif weh mizarabl ahn laik kwaaril.* 20  Wahn waiz persn ga preshos chrezha an ail da ih hows,Bot wahn schupid persn wahn ways* evriting weh ih gat. 21  Enibadi weh chrai haad fi du weh rait ahn fi shoa lata lov*Wahn bee wahn raichos persn, an ih wahn geh laif an aana. 22  Wahn waiz man ku klaim oava di waal a wahn siti weh ful op a schrang soaljaz,An ih ku dischrai di schrang waal dehn weh di peepl chros fi protek dehn. 23  Sombadi weh main weh ih seh wahn stay owta chrobl. 24  Wahn persn weh prowd ahn bregin ahn laik shoa aaf ihselfDa sombadi weh du tingz weh brayzn, an ih noh kay bowt di kansikwens. 25  Di tingz weh wahn layzi man waahnt wahn kil ahn, bikaaz ih rifyooz fi werk. 26  Di layzi man greedi ahn hoal day ih waahn geh moa tingz,Bot di raichos persn giv tu adaz an ih noh hoal bak notn. 27  Gaad hayt wen wikid peepl aafa op wahn sakrifais, An ih hayt it eevn moa wen dehn aafa it op fi wahn bad reezn. 28  Wahn witnis weh tel lai wahn ded,Bot di persn weh ripoat weh ih hyaa wahn ga sokses. 29  Wahn wikid persn mek adaz tink dat ih kanfident,Bot wahn raichos persn shoar dat ih di goh di rait way. 30  No kaina wizdom, andastandin, er advais egzis weh ku stap Jehoava fahn du weh ih waahn du. 31  Peepl chrayn wahn haas fi goh da waar,Bot da Jehoava wahn win di batl.

Futnoat

Er “weh laik komplayn.”
Er “wahn waiz persn noa weh fi du.”
Dis di rifaa tu Gaad.
Er “weh lov plezha.”
Si di Glasari, “Ransom.”
Si di Glasari, “Wildanes.”
Er “laik komplayn.”
Lit., “swala.”
Er “shoa laayal lov.” Si di Glasari, “Laayal lov.”