Praverbz 13:1-25

  • Waiz peepl aks fi advais (10)

  • Peepl feel sad wen sohnting tek tu lang fi hapm (12)

  • Wahn mesinja weh faytful bring komfert (17)

  • Sohnbadi weh waak wid wahn waiz persn wahn bee waiz (20)

  • Peepl weh lov dehn pikni karek dehn (24)

13  Wahn waiz persn aksep karekshan fahn ih pa,Bot wahn prowd persn* noh lisn wen dehn skoal* ahn.   Di tingz weh wahn man seh ku mek tingz goh gud far ahn,Bot wahn chrayta lov vailens.   Wahn persn weh wach weh ih seh wahn protek ih oan laif,*Bot wahn persn weh kyaahn kip ih mowt shet wahn kaaz prablemz.   Wahn layzi persn waahn lata tingz, bot ih* noh ga notn.Bot wahn persn weh werk haad wahn ga lata tingz.   Wahn raichos persn hayt eni kaina lai,Bot wahn wikid persn bring shaym pahn ihself sayka di tingz weh ih du.   Raichosnis protek wahn persn weh inosent,Bot wikidnis mek wahn sina geh dischrai.   Dehn ga sohn peepl weh priten fi bee rich, bot dehn noh ga notn.Ahn dehn gat ada peepl weh priten fi bee poa, bot dehn ga lata richiz.   Wahn rich persn pay wid ih richiz fi sayv ih laif,*Bot wahn poa persn laif noh deh eena daynja.   Di lait a raichos peepl wahn shain brait,Bot di lamp a wikid peepl wahn owt. 10  Wahn persn weh faysi onli kaaz chrobl,Bot wahn persn weh waiz wahn aks fi advais. 11  Peepl weh geh rich faas wahn looz dehn richiz oava taim,Bot peepl weh geh rich lee bit bai lee bit wahn geh moa tingz. 12  Wen sombadi di luk faawod fi mek sohnting hapm an ih tek tu lang fi hapm, dat mek di persn feel sad.Bot wen ih fainali hapm, dat da laik wahn chree weh gi laif. 13  Enibadi weh noh obay Gaad inschrokshanz* wahn sofa bikaaz a dat,Bot enibadi weh rispek di laa wahn geh wahn riwaad. 14  Di tingz* weh waiz peepl teech gi laif,Ahn dehn sayv wahn persn fahn di chrap dehn weh ku kil ahn. 15  Peepl laik sohnbadi weh ga andastandin,Bot wahn chriki persn laif ful op a prablemz. 16  Wahn waiz persn tink bifoa ih du eniting,Bot wahn foolish persn shoa ih foolishnis. 17  Wahn wikid mesinja put ihself eena prablemz,Bot wahn mesinja weh faytful bring komfert. 18  Wahn persn weh rijek karekshan wahn bee poa an ih wahn bring shaym pan ihself,Bot di persn weh aksep karekshan wahn get aana. 19  Wen wahn persn geh weh ih waahnt, ih feel hapi.Ahn wahn foolish persn rifyooz fi stap du weh bad. 20  Sohnbadi weh waak wid wahn waiz persn wahn bee waiz,Bot tingz noh gwehn gud fi enibadi weh da fren wid wahn foolish persn. 21  Bad tingz wahn hapm tu peepl weh sin,Bot wahn raichos persn wahn geh wahn lata gud tingz. 22  Wahn gud persn wahn lef wahn inheritans fi ih granpikni dehn,Bot di richiz fahn peepl weh sin wahn geh put op fi di raichos wan dehn. 23  Poa peepl plow dehn lan ahn lata food groa pan it,Bot wikid peepl tek it weh fahn dehn.* 24  Wahn persn weh noh karek* ih pikni hayt ahn,Bot peepl weh lov dehn pikni wahn mek shoar dat dehn karek dehn. 25  Di raichos persn eet til ih geh ful,Bot di wikid persn beli emti.

Futnoat

Er “wahn persn weh laik mak adaz.”
Er “karek.”
Er “soal.” Si di Glasari, “Soal.”
Er “ih soal.”
Er “soal.”
Er “obay di werd.”
Er “laa.”
Dis ku aalso bee “Bot dehn looz evriting sayka injostis.”
Er “ponish.”