Joab 27:1-23

  • Joab mek op ih main fi stay faytful tu Gaad (1-23)

    • “Ah wahn stay faytful tu Gaad til Ah ded” (5)

    • Wikid peepl noh ga hoap (8)

    • “Wai di tingz weh unu seh noh mek no sens?” (12)

    • Wikid peepl en op wid notn (13-23)

27  Den Joab kantinyu ih speech,* an ih seh:   “Di Almaiti noh chreet mi fyaa, an ih mek Ah* sofa wahn lat.Ah swayr dat az lang az Gaad alaiv   An az lang az Ah stil di breedAhn di bret fahn Gaad deh eena mi,   Mi lip noh wahn seh tingz weh noh raichos,Ahn mi tong noh wahn wispa chriki tingz needa!   Ah wahn neva seh dat unu raichos! Ah wahn stay faytful tu Gaad til Ah ded!   Ai aalwayz raichos an Ah wahn neva stap du weh rait.An az lang az Ah liv, mi haat noh wahn mek Ah feel gilti.   Mek mi enimi dehn geh ponish jos laik wikid peepl,Ahn mek dehn wan weh atak mi geh ponish jos laik peepl weh noh raichos.   Yu tink wahn wikid persn* ga hoap wen ih geh dischraiEr wen Gaad tek weh ih laif?*   Yu tink Gaad wahn hyaa ahnWen ih krai owt fi help bikaaz ih di sofa? 10  Er yu tink ih wahn bee hapi bikaaz a di Almaiti? Ahn yu tink ih wahn beg Gaad fi help aal di taim? 11  Ah wahn teech unu bowt Gaad powa,An Ah noh wahn haid notn bowt di Almaiti. 12  If aala unu don si sohn vizhan,Wai di tingz weh unu seh noh mek no sens? 13  Dis da weh Gaad gi di wikid persn,Di inheritans weh di Almaiti giv tu di roola dehn weh kruwil. 14  Eevn if ih ga lata pikni, peepl wahn yooz di soad fi kil dehn,An ih disendant dehn noh wahn ga inof food. 15  An afta ih ded, ih disendant dehn wahn ded sayka wahn terabl dizeez,Ahn dehn wido noh wahn baal fi dehn. 16  Eevn if ih pail op wahn lata silva laik sohn pail a dert,An ih pail op lata gud kloaz laik wahn pail a klay, 17  Raichos peepl wahn wayr weh di wikid persn don gyada op,An inosent peepl wahn shayr owt aala di silva monks dehnself. 18  Di hows weh ih bil eezi fi dischrai jos laik wahn maat kukoonAhn jos laik wahn shelta weh wahn wachman bil. 19  Wen ih goh sleep, ih rich, bot ih noh wahn geh notn fahn ih haavis. Wen ih oapm ih aiy dehn, notn wahn dehdeh. 20  Fraitnin tingz tek ahn oava jos laik how wahn flod tek oava wahn lan, Ahn wahn staam kehr ahn weh eena di nait. 21  Breez fahn di ees wahn bloa ahn weh, an ih wahn disapyaa,An ih wahn tek ahn weh fahn wehpaat ih liv. 22  Ih wahn chrai haad fi ron weh fahn da schrang breez,Bot da breez noh wahn ga no mersi pan ahn wail ih di nak ahn op. 23  Di breez wahn klap ih han dehn fi mek fon a ahn,An ih wahn wisl aata ahn fahn wehpaat ih liv fi mek fon a ahn.*

Futnoat

Lit., “praverb.”
Er “mi soal.” Si di Glasari, “Soal.”
Er “wahn apastayt.” Si di Glasari, “Apastayt.”
Er “soal.”
Dis ku aalso bee “Peepl klap dehn han aata ahn an wisl aata ahn fahn wehpaat dehn liv.”