Yu Invaitid
Memoaryal a Jeezas Det
Satideh, Aypril 12, 2025
Wi invait yu tu dehnya too meetinz weh da fi free
Speshal Baibl Taak
“Yu Tink Ih Pasabl fi Fain di Chroot?”
Eena dis taak wi wahn laan weh Jeezas mi seh bowt di chroot ahn wi wahn laan wehpaat wi ku fain it.
Memoaryal a Jeezas Det
Da dis impoatant ivent, Jehoava Witnisiz selibrayt di memoaryal a Jeezas det jos laik weh hihn mi koman ih falowaz fi du.—Look 22:19.
Kweschanz Weh Lata Peepl Aks
Hoo ku kohn?
Evribadi welkom fi kohn. Bring yu famili.
How lang di proagram dehn wahn bee?
Di speshal Baibl taak wahn onli bee haaf-an-owa. Afta di taak, wi ga wahn kweschan an ansa diskoshan fahn di Wachtowa magazeen weh laas bowt wan owa.
Di Memoaryal proagram wahn laas fi bowt wan owa.
Wehpaat dehn wahn gat di proagram?
Fi fain wahn loakayshan, klik di “Fain Wahn Memoaryal” er “Fain Wahn Speshal Taak” botn weh deh da tap.
Wi haftu pay fi goh een er goh da di ada meetin dehn?
No.
Wi fi gi kalekshan?
No. Jehoava Witnisiz noh tek op kalekshan da dehn meetinz.—Machyu 10:8.
Weh wi fi wayr?
Wi noh tel peepl egzakli weh fi wayr da dehnya meetin, bot az Jehoava Witnisiz wi chrai wi bes fi fala di advais weh di Baibl gi wi fi jres rispektabl ahn deesent. Yu kloaz noh haftu bee fansi er ekspensiv.
Weh aal wahn hapm da di Memoaryal?
Di meetin staat an en wid wahn sang ahn wahn pryaa. Evribadi welkom fi sing, ahn wahn brada weh da wan a Jehoava Witnisiz wahn seh di pryaa. Di taak wahn diskos wai di det a Jeezas impoatant tu aala wi ahn how wee ku benifit fahn weh Gaad ahn Krais du fi wi.
Fi moa infamayshan, si di aatikl “Why Do Jehovahʼs Witnesses Observe the Lordʼs Supper Differently From the Way Other Religions Do?”
Wat da di dayt dehn fi di Memoaryal eena di fyoocha?
2025: Satideh, Aypril 12
2026: Terzdeh, Aypril 2
2027: Mondeh, Maach 22
Fi fain owt moa, wach dehnya veedyo.
Si weh aal wahn hapm da di Memoaryal, ahn si how Jeezas det ku mek wi ga wahn wandaful fyoocha.
Lata peepl bileev dat Jeezas mi ded fi wi sin dehn. Bot yoo tink dat di sakrifais weh hihn mek fi giv op ih laif ku benifit milyanz a peepl?
Weh Aal Hapm Da Wahn Kingdom Haal?
Wi invait yu fi kohn ahn si fi yuself.
Yu ku dongload wahn kapi a dis invitayshan.