Kele vôm ô ne lañe de

Kele sous-menu

Bengaa be Yéhôva

Bulu

Ye Bengaa be Yéhôva be ne be Protestant?

Ye Bengaa be Yéhôva be ne be Protestant?

Momo. Bengaa be Yéhôva be ne Bekristen, be nji bo be Protestant. Amu jé be vo’o jô na bi ne be Protestant?

Ñyebe be Protestant ô ne “ñyebe wo tebe Ñyebe Katôlôs ya Rome ngame yat.” E ne fo’o été na Bengaa be Yéhôva be nji kañese miñye’elane ya Katôlôs, ve bi nji bo Beprotestant amu:

  1. Mam abui be Protestant ba buni me nji so Kalate Zambe été. Éve’an é ne na, Kalate Zambe a ye’ele na Zambe a ne ve wuwua, sa ke Zambe wua bôte bela. (1 Timothée 2:5; Jean 14:28) A ye’ele fe na, Zambe a nji foñesô mbia be bôt e nduan kom, ve a ye jiane be éyoñe jia ya biyoñe bise.Besam 37:9; 2 Bethéssalonicien 1:9.

  2. Bi nji wosan, nge jeñe na bia tyendé ñyebe Katôlôs, nge ke ñyebe ôfe éziñ. Jame bia bo e ne na, bia kañete mbamba foé ya Éjôé Zambe, bia yi na bi volô bôte bevo’o na, be futi ndi nleme jap e mbamba foé ate. (Matthieu 24:14; 28:19, 20) Jam e ne mfi mise mangan e nji bo na bi tyendé miñyebe mivok; ve jam bia yi é ne na, bi ye’ele bôte ba kômbô yeme benya mejôô a lat a Zambe a Kalate wé.Becolossien 1:9, 10; 2 Timothée 2:24, 25.