Kele vôm ô ne lañe de

Kele sous-menu

Bengaa be Yéhôva

Bulu

Jé é ne Tin ékôane Bengaa be Yéhôva?

Jé é ne Tin ékôane Bengaa be Yéhôva?

Tin ékôane Bengaa be Yéhôva é ne mone nsamba bitôtôlô Bekristen ba tebele ésaé Bengaa be Yéhôva ya si ése. Ésaé jap é bili mefase mebaé:

  • Ba tebele nkômesane ya miñye’elane ya Kalate Zambe bia bi e bekalate, e bisulan, a besikôlô Bengaa be Yéhôva.Luc 12:42.

  • Ba wulu ésaé nkañete Bengaa be Yéhôva ja bobane si ése, ba tebele fe avale ba yiane belane mimvean.

Tin ékôane ja tôñ éve’ela “minlôman a bemvendé” ya Jérusalem mi nga li’i ntete mimbu ôsu. Be mbe be nyoñe mintyi’an asu akônda Bekristene bese ya éyoñe jap. (Mam Minlôman 15:2) Aval ane Bekristene bete, bobejañe ya Tin ékôane be nji nyoñe bebien ane bivete ya ékôane Bengaa be Yéhôva. Kalate Zambe nnye a liti be avale ba yiane tebele ésaé; ba yeme na, Yéhôva a nga telé Yésus ane nlô ya akônda.1 Becorinthien 11:3; Beéphésien 5:23.

Beza be ne bibu’a ya Tin ékôane Bengaa be Yéhôva?

Ngone nyini ya mbu 2015, Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, a David Splane, mbe be ne bibu’a ya Tin ékôan. Ba saé e wofise Bengaa be Yéhôva ya si ése ô ne Brooklyn, e tisone ba loone na New York, e si ya Amerca.

Aval avé Tin ékôane ja ta’a ésaé jé?

Tin ékôane Bengaa be Yéhôva é nga telé bimo’o bisaman asu bisaé bise bia yiane boban ékôane jangan, a ébu’a ése ya Tin ékôan ja saé émo’o jia ya été, nge lôt.

  • Émo’o bobejañ ba tebele bisaé: Ja wulu a mame ma fombô metiñe ya mesi, ja nyoñe fe mintyi’an éyoñ ébubua éziñe ja kui, éyoñe Bengaa be Yéhôva ya vôm éziñe ba tôbane bitibela’a, nge ke mame mese ma nambe Bengaa be Yéhôva.

  • Émo’o asu bôte ba saé Béthel: Ja wulu mame mese ma nambe bobejañ ba saé e be Béthel.

  • Émo’o asu nkulan bekalate: Ja wulu ésaé nkulane bekalate, ja bo fe na bekalate bete be ke kui mekônda; ja wulu fe ésaé nlôñane Meba m’Éjôé, nlôñane menda bekôñelane bekalate, a nlôñane bewofise ya be béthel.

  • Émo’o asu ésaé nkañete: Ja wulu ésaé nkañetane “mbamba foé ya Éjôé.”Matthieu 24:14.

  • Émo’o asu ñye’elan: Ja wulu mame mese ma fombô ñyamane bidi ya nsisime ba ve a zene ya bisulan, besikôlô, a bevidéo.

  • Émo’o asu ntilane bekalate: Ja wulu mame mese ma fombô ñyamane bidi ya nsisime ba ve a zene ya bekalate, miñye’elane bia koene mie anjeñe mefoé dangan, ja wulu fe ésaé nkôñelane bekalate.

Tin ékôane ja tôbane sondô ase asu na é fase miñyiane Bengaa be Yéhôva ya si se. Éyoñe ba tôbane nalé, ba jeñe na be yeme jé Kalate Zambe a jô, ba jô’é fe na mbamba nsisim a liti be zen; ba ve ngule ya kui tyiñ ôsusua na ba nyoñe mintyi’an.Mam Minlôman 15:25.

Beza ba volô Tin ékôan?

Bekristen be ne tabe be ndi ba su’u bobejañe ya Tin ékôan ésaé jap. (1 Becorinthien 4:2) Be maneya yem ésaé ya wulu bisaé be nga ve be, ba tabe fe bitôkane Tin ékôan ja bo sondô ase. Akusa bo na be nji nyoñe mintyi’an a Tin ékôan, ve asimesan bobejañ bete ba ve, da volô Tin ékôane na, é bo ésaé jé mvo’é, nalé a bo na ésaé ékôane Yéhôva é ke ôsu. Tin ékôan ja lôme fe be na be jome bobejañe ya meku’u mese ya si. Ja belane fe be na, be wulu a beta bisulane biziñ, ane mimôse mia dibe sikôlô ya Guiléad nge beta ésulane ba bo mbu ôse.

BIYÔLÉ BI BOBEJAÑE BA VOLÔ TIN ÉKÔAN

Émo’o

Éyôlé

Bobejañ ba tebele bisaé

  • John Ekrann

  • Robert Wallen

 

Émo’o asu bôte ba saé Béthel

  • Gerald Grizzle

  • Patrick LaFranca

  • Daniel Molchan

  • Ralph Walls

 

Émo’o asu nkulan bekalate

  • Don Adams

  • Robert Butler

  • Harold Corkern

  • Donald Gordon

  • Robert Luccioni

  • Alex Reinmueller

  • David Sinclair

 

Émo’o asu ésaé nkañete

  • Breaux Gary

  • Joel Dellinger

  • Seth Hyatt

  • Christopher Mavor

  • Baltasar Perla Fils

  • William Turner Fils

  • Robert Wallen

  • Leon Weaver Fils

 

Émo’o asu ñye’elan

  • Ronald Curzan

  • Kenneth Flodin

  • Malenfant William

  • Mark Noumair

  • David Schafer

 

Émo’o asu ntilane bekalate

  • Robert Ciranko

  • James Mantz

  • Izak Marais

  • Gene Smalley

  • John Wischuk