Kele vôm ô ne lañe de

Kele sous-menu

Bengaa be Yéhôva

Bulu

Nne moné Bengaa be Yéhôva ba bo nye mam a so be vé?

Nne moné Bengaa be Yéhôva ba bo nye mam a so be vé?

Moné bia belane nye a taté so mimveane Bengaa be Yéhôva bebiene ba ve na be suk ésaé nkañete. Bi nji bo ntolé bisulane biangan, a bi nji yemete bôte na be ve ngap awômô. (Matthieu 10:7, 8) Eyoñe wo ñyine nda ésulane jangan, wo ye yene minkop mimveane mi tele, asu môt ase a kômbô bo mvean. Jôé môt a bo mvean é ne nsolan. Nge bia belane moné wongan avale da yian, a ne amu bia ya’ane ke betebe ôsu bangan.

A nde fe, bia ya’ane ke Bengaa amu ba ke menda menda. Bevôme bangane b’abo bisulane be nji bo tañe abui, be ne nlôñan mbamba mebim. Mimvean mise ba lôme nda bisaé jangan mia volô asu bôte ba tôbane minjuk atemetem, asu bekpwa’a mefan, a bevendé ba ke ba jome mekônda. Mimveane mite mi avolô fe na be lôñe meba m’Éjôé mesi me ne azoé, a na be kuli a lôme bekalate bese bia belane be.

Môt ase a tyik, nge a kômbô ve jôme éziñe mfa’a ya suk miñyiane miziñe ya akônda dé, mi ya si se, nge ke bebaane. Akônda ése da kate Bengaa ya été abime moné ba te belane de ngon.