Kele vôm ô ne lañe de

Kele sous-menu

Bengaa be Yéhôva

Bulu

Ye Bengaa be Yéhôva be ne be Sioniste?

Ye Bengaa be Yéhôva be ne be Sioniste?

Momo, be nji bo be Sioniste. Bengaa be Yéhova be ne Bekristen, mam ba buni ma so e Kalate Zambe été. Miñyebe miziñ mia ye’ele na, ntôkane Bejuif bese si ya Palestine a ne nkulan ajô ya Kalate Zambe, ve Bengaa be Yéhôva be nji buni nalé. Be nji buni na, ngame pôlitik éte ja jalé nkulan ajô ya Kalate Zambe. E ne été na, Kalate Zambe a nji wumulu ngum ayoñ éziñ, nge ngum éjôé éziñ, nge ke mingum mi bôt. Nkume mmombô a bete, kalate ôsu a ve Bengaa be Yéhôva bidi ya nsisim, a nga jô ne sañesañe na: “Teke éfus éziñe ya Kalate Zambe ja su’u pôlitik be Sioniste.”

Encyclopédie britannique a jô na, Sionisme a ne “ngame Bejuif ba simesane na, ba yiane bôndé ayoñe Bejuif e si ya Palestine a su’u de.” Sionisme a ne ñyebe a too fe ngame pôlitik. Bengaa be Yéhova be nji su’u ñyebe Ya Sionisme, a be nji nyoñe ngap a mame me pôlitik ya été.

Bengaa be Yéhôva be ne ngumba ñyebe, be nji nyoñe ngap a mam me pôlitik méziñ, be nji bo be Sioniste. Abui mam da liti na, Bengaa be Yéhôva be nji nyoñe ngame pôlitik éziñ. E mesi méziñ, Bengaa be Yéhôva be nga tôban abui bitibela’a amu be nji nyoñe ngap a pôlitik. Bia yeme na, Éjôé Zambe étam nje é ne soo nya mvo’é si; teke éjôé môt a binam éziñ é ne ngule ya bo de.

Bengaa be Yéhôva ba semene metiñe ya mesi mese be too. Be nji biasé bijôé, be ne teke ke bita.