Kele vôm ô ne lañe de

Kele sous-menu

Bengaa be Yéhôva

Bulu

Amu jé Bengaa be Yéhôva be ne te jeme Kilisimis?

Amu jé Bengaa be Yéhôva be ne te jeme Kilisimis?

Bivuse bi mam bôte b’ajô

Mam bôte b’ajô: Bengaa be Yéhôva ba jeme ke Kilisimis amu be nji buni Yésus.

Nya ajô a ne na: Bi ne bekristen. Bia yeme na ényiñe ya nnôm éto j’aso fo’o ve be Yésus.—Mam minlôman 4:12

Mam bôte b’ajô: Mia bôé menda me bôt amu mia ye’ele bôte benan na, be bo te jeme Kilisimis.

Nya ajô a ne na: Bia ñyane nda bôte, ajô te bia belane Kalate Zambe na menda me bôte me tabe nlatane.

Mam bôte b’ajô: “Ôsimesane ya Kilisimis” ô ne na bi bo akap, bi nyiñe mvo’é a bôte bevok. Mia vini aval mam te.

Nya ajô a ne na: Bia jeñe na bi bo akap a tabe mvô’é a bôt bevok. (Minkana 11:25; Beromain 12:18) Yésus émien a nga jô na “mi nyoñeya te kus, va’ane te kuan”. Bisulane biangan a nkañete bia bo wo liti na bia toñe njôane Yésus. (Matthieu 10:8) Bia liti fe bôte na Ejôé Zambe nje étam j’aye bo na si nyô é tabe mvo’é.—Matthieu 10:7.

Amu jé Bengaa be Yéhôva be ne te jeme Kilisimis?

  • Yésus a nga jô na bi simesane awu dé; sake abialé dé.—Luc 22:19, 20.

  • Minlômane a beyé’é be Yésus ya melu mvus be nji jeme Kilisimis. La nouvelle encyclopédie catholique (angl) a jô na “be nga taté na ba jeme abialé Yésus mvuse mbu 243 ya éyoñe jangan (E.J.)”, valé ate beyé’é bese be maneya wu.

  • Jôm éziñe é nji liti na Yésus a nga bialé 25 décembre; Kalate Zambe a kate ke bia môse a nga bialé.

  • Bia buni na Zambe a nji nye’e abô’ô Kilisimis amu abô’ô te d’aso mefulu a mimboone ya behéden.—2 Becorinthien 6:17.

Amu jé wo yiane yeme na bôte b’aye vini wo amu ô nji jeme Kilisimis?

Bôte abui ba kôme yeme na abok Kilisimis da so behéden, ve jam da be ake ôsu a jeme de. Avale bôte te é ne sili na, amu jé bekristen be ne te jeme Kilisimis akusa bo épkwe’ele? Amu jé wo yiane yeme na bôte b’aye vini wo amu ô nji jeme Kilisimis?

Kalate Zambe a jô na biabebien bi tu’a fas, bi belane “ñyemane” mam wongan. (Beromain 12:1, 2) A ye’ele fe na benya mejôô be ne jôme é ne dia. (Jean 4:23, 24) Ajô te nde bia toñe jôm Kalate Zambe a jô, to’o bôte bevok ba yene bia abé.

Môte ase a bili ngule ya tyik avale a nye’e mfa’a ya ajô te. Bia semé ntyi’ane môt ase. Bia ndeñele ke bôte bevok na be bo Kilisimis.