Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone tane 2016

 ÉNYIÑE BEKRISTEN

Ye mia belane fo’o JW Library?

Ye mia belane fo’o JW Library?

JW Library a ne application ô ne belane nye zezé asu na, ô limiti Kalate Zambe, bekalate befe, bevidéo, a biôm ô ne wôk e téléfône wôé, e tablette wôé, nge ke ordinateur wôé.

AVAL Ô NE BO ASU NA Ô BI JW LIBRARY : Kele internet, ô limiti JW Library e vôme ba nyoñe b’application. Application ate a ne wulu a be minsini be ne ngum aval. Éyoñ ô nyiineya internet, yoé application, tobe ndeme ya kalate wo kômbô limiti. Nge ô nji bo ngule ya bi internet nda jôé, ô ne fas nge Aba Éjôé é bili internet, nge nda bekalate éziñ é bili internet, nge ke Cyber café. Éyoñ ô limitiya kalate wo yi minsini wôé, é nji beta bo mfi ya bi internet asu na, ô lañe bekalate ô maneya limiti. Mbôle mimfefé bekalate mi wô’ô kui kom ése e JW Library, wo yiane jeñe na, ô bo mbane ya ke internet, asu na ô nyoñe biôm bi ne mfefé.

AMU JÉ WO YIANE BI JW LIBRARY? JW Library a ne nya mfi asu ayé’é étam, ô ne fe vô’ôlô bisulane ya akônda a zene ya application ate. A ne fe volô wo asu nkañete, e dañe dañ éyoñe wo kañete bôte wo yen atemetem.