Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone samane 2017

 ÉNYIÑE BEKRISTEN A ÉSAÉ NKAÑETE

E wô’ô meva’a ya kate mbamba foé

E wô’ô meva’a ya kate mbamba foé

Ye ô wô’ôtaneya na ésaé nkañete é ne ayaé? Abui ya be bia da ye yalane na, ôwé. Amu jé? Éko éziñ amu kom ése, bia tôbane bôte be ne te bisi Mejô me Zambe, a ba ba vini ésaé éte. Bia ko fe woñe ya laan a bôte bi nji yem. Mam mete me ne sé’é ava’a bia wôk éyoñe bia kañete. Ve bia kañe Zambe a ne mevak, a yi fe na bi kañe nye a mevak. (Bs 100:2; 1Tim 1:11) Beamu belale bevé ba bo na bi wô’ô meva’a ya kate mbamba foé?

Amu ôsu a ne na, bia kate bôte foé ja ve be ndi nlem. Akusa bo na ndi nlem é nga jembane melu ma, bi ne jalé minleme mi bôt a ‘mbamba foé ya jôm éziñ é ne mvaé.’ (És 52:7) Mbamba foé ya Éjôé Zambe a ne fe jalé minleme miangan a mevak. Ôsusua na wo ke nkañete, taté’é simesan bibotan Éjôé Zambe ja ye so bie si va.

Amu baa a ne na, mbamba foé bia kate bôt a volô be mfa’a ya minsôn a mfa’a ya nsisim. Ba yé’é ane be ne jô’é mbia be mam ba too be bo’ok, a bi ndi nleme ya nyiñe nnôm éto. (És 48:17, 18; Bero 1:16) Bi ne ve’ele simesan biabebien, bi bo’o ésaé ya jeñe bôt a nyii be. To’o abui bôt e nji kañese na bi nyii be, bi ne mbane ya jeñe ba ba kômbô nyiiban.Mt 10:11-14.

Amu lale, nnye fe a dañe mfi a ne na, ésaé éte ja ve Yéhôva duma. Yéhôva a yen ésaé éte ane jôm é ne édima. (És 43:10; Beh 6:10) A ve bia mbamba nsisime wé na, bi bo ésaé nkañete nya mboone. Nde ñhe, ye’elane Yéhôva a ve wo fulu avak, fulu mbamba nsisim a ne volô wo na ô bi. (Beg 5:22) A ngule jé, bi ne dañe mam ma tyelé bia minleme yôp, a kañete mbamba foé a ayôñ ése. (Mam 4:31) To’o bôte ba nye’e ba wô’ô mejô me Zambe nge momo, bia wô’ô beta ava’a ya bo ésaé nkañete jangan.Éz 3:3.

Wo kômbô nyoñe mintyi’ane mivé asu ésaé nkañete? Aval avé ô ne liti na meva’a me ne wo nlem?

YENE VIDÉO A NE NLÔ AJÔ NA AYÉ’É ÉTAM A MFASANE MEJÔ ME ZAMBE BI NE BETA WÔMÔLÔ AVA’A DÔÉ. MVUSE YA VALÉ YALA’ANE MINSILI MI:

  • Amu jé bia yiane telé ayé’é dangan ôsu, to’o bia lôt abui éyoñe na bi kañete bôte Mejô me Zambe ngon ése?

  • Bi ne vu Marie a zene fé?

  • Aval éyoñ avé ô wô’ô fase mam wo lañe Kalate Zambe été?

  • Jé ja jalé wo meva’a nlem éyoñe wo kañete mbamba foé ya Éjôé Zambe?