Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone nyini 2017

 ÉNYIÑE BEKRISTEN

Bia y’Éjôé bia ve ngule nyul

Bia y’Éjôé bia ve ngule nyul

Paul ba Silas be nga ve Zambe duma a bia, éyoñe be mbe nda mimbôk. (Mam 16:25) Éyoñe jangan ji, bobejañ be nga yia bia ya Éjôé éyoñe be mbe mfetan nda mimbô’ô ya Sachsenhausen si ya Jaman melu benazi, a fe éyoñe be nga ke be minkôm e Sibérie. Bive’ane bite bia liti na, bia bi ne mfi abui, amu bia ve Bekristen ba tôbane minjuk ngule nlem.

Ana’ana, minkobô mife mia ye bi kalate bia a ne nlô ajô na, Yia Yéhôva bia a nleme wôé ôse. Nné ane bia bi kalate bia wongan, bi ne jeñe na, bi yé’é yia bia bite ayé’é dangane ya nda bôt. (Beép 5:19) Ndemben mbamba nsisim a ne ngule ya bo na, bi beta simesane bie awolo minjuk. Bia ya Éjôé bi ne volô bia na, bi dañe simesane ndi nleme jangan bi bili. Bi ne ve bia ngule minlem éyoñe bia tôbane minjuk. Éyoñe nlem ô ne bia mvo’é, mejô me ne bia bite, me ne bo na bi “yia Yéhôva bia a nleme wongan ôse,” amu na, nleme wongan ô ne njalan a mevak. (1Min 15:16; Bs 33:1-3) Enjeñané a ngule jangan ése na, bi yeme yia bia biangan ya Éjôé!

YENE VIDÉO A NE NLÔ AJÔ NA, JIA É NGA VE BEBO BISAÉ NGULE NYUL. MVUSE YA VALÉ YALA’ANE MINSILI MI :

  • Jé é nga tindi mojañe Frost na a tili jia te?

  • Aval avé jia é nga ve bobejañe be mbe nda mimbô’ô ya Sachenhausen ngule nyul?

  • Aval biyoñe bivé bia ya Éjôé bi ne ve wo ngule nyul?

  • Bia ya Éjôé bivé wo kômbô yeme yia nlô?