Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone nyini 2016

 ÉNYIÑE BEKRISTEN

Mfefé fatane ya laan a bôt e nkañete

Mfefé fatane ya laan a bôt e nkañete

Ataté Ngon ôsu ya mbu 2016, Nkume mmombô a bete bia belan nye asu nkañete, a bili mfefé nlô ajô afebe da su’ulan. Nlô ajô ôte ô ne na, “Jé Kalate Zambe a jô?” Mfefé nlô ajô ôte wo ye volô bia na, bi belane minlô mejô ya Kalate Zambe, asu na bi taté minlañ a bôt. Nlô ajô ôte wo funane wu bia belane wô betract. Ô bili nsili, éyalane ya Kalate Zambe, a minsili mife ya fas.

Mbamba minlañe ya Kalate Zambe, mia yooé zen asu ayé’é Kalate Zambe. Bela’ane mfefé fatane nkañetane ôte, asu na ô volô abui bôte na be yeme mejô me Zambe.—Matthieu 5:6.

AVAL AVÉ Ô NE BELANE MFEFÉ FATANE TE:

  1. Sili’i môte nsili wua ya minsili mi bôô valé

  2. Vô’ôlô éyalan, asu na ô kôme wô’ô ôsimesane wé

  3. Lañ éfuse ya Kalate Zambe é ne nlô ajô ô ne na “Jôme Kalate Zambe a jô,” bo’o fe na a timin éfuse te. Nge môt a bili éyoñ, kele ôsu a nlô ajô ô ne na “Jé éfe bi ne yé’é e Kalate Zambe été?”

  4. Va’a nye kalate mefoé

  5. Tobe môse wo ye beta zu, na ô zu yalane nsili ôvok