Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone muomô 2016

 ÉNYIÑE BEKRISTEN

Enjeñané na bi bo atyeñ ésaé nkañete—Bi volô beyé’é Kalate Zambe na be ve bebiene ngumba be Yéhôva, a na be duban

Enjeñané na bi bo atyeñ ésaé nkañete—Bi volô beyé’é Kalate Zambe na be ve bebiene ngumba be Yéhôva, a na be duban

AMU JÉ JAME TE É NE MFI: Asu na a ve Yéhôva nlem avak, ñyé’é Kalate Zambe a yiane ve émiene ngumba be Yéhôva, a dubane fe. (1P 3:21) Môt ase a tôé ngaka’a a nga bo éyoñ a nga ve émiene ngumba be Zambe, Yéhôva a ba’ale nye mfa’a ya nsisim. (Bs 91:1, 2) Kristen a ve émiene ngumba be Yéhôva, sa ke be môta binam, nge ke asu ésaé éziñ, nge ke ékôan éziñ. Jôme te nje da sili na, beyé’é Kalate Zambe be nye’e Yéhôva, a yé’é ve nye akéva.Bero 14:7, 8.

AVALE BI NE BO:

  • Éyoñe wo yé’é a môt, kate nye mam mese ma fombô Yéhôva. Ngôné’é mfi ya lañe Kalate Zambe môs ôse, a mfi ya ye’elane Yéhôva mban.1Bet 5:17; Jc 4:8

  • Lebe môte mia nye mia yé’é na a bi nsôñane ya ve émiene ngumba be Yéhôva, a na a duban. Volô fe nye na a bi bone minsôñane mife, ane e ve biyalan ésulan, nge ke kañete bôte ba bômane nye, nge ke bôte ba be nye ba saé vôme wua. Te vuane na Yéhôva a nji yemete môt na a kañe nye. Môt émiene nnye a yiane tyi’i na a ve émiene ngumba.Dt 30:19, 20

  • Va’a môte mia nye mia yé’é ngule nyôle na, a tyendé mefulu méziñ, asu na a ve Yéhôva nlem avak, a na, a bo ngule ya duban. (Min 27:11) Mbôle mbia mefulu méziñ me wô’ô kabetan a môt, e ne sili na ô ke ôsu a volô ñyé’é Kalate Zambe na a jaé mfefé môt ôte’ete’e ôte’etek. (Beép 4:22-24) Liti’i nye minlô mejô ya Nkume mmombô a bete mi ne na, “La Bible transforme des vies”

  • Kate nye bibotan ô biya amu wo bo Yéhôva ésaé.És 48:17, 18