Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone lale 2016

 ÉNYIÑE BEKRISTEN

Ñwômane miñwuan wo ye boban a ngule ya ntañ

Ñwômane miñwuan wo ye boban a ngule ya ntañ

Mesimesa’ane ya awu Yésus, a ne mbamba zene ya yeme bibotane bia ye bi amu ntañ, ane ñwômane miñwuan. Yéhôva a nji té môte na a wu. Jôme te ja bo na, éyoñe môte bia nye’e a wu, bia wô’ô mintaé nlem. (1 Becorinthien 15:26) Yésus a nga wô’ô mintaé nlem, éyoñ a nga yene beyé’é bé be yônô Lazare. (Jean 11:33-35) Mbôle Yésus a nga vu Ésa, bi ne tabe ndi na, Yéhôva fe a wô’ô nya mintaé éyoñe bôte bia nye’e ba wu. (Jean 14:7) Yéhôva a ne ôjeja’a ya wômôlô bebo bisaé bé be wuya, a ye fe bo de.Job 14:14, 15.

Mbôle Yéhôva a ne Zambe a nye’e mbamba nta’ane mam, bi ne simesane na, a ye tôñe ngume nta’ane mam éyoñ a ye wômôlô bewu. (1 Becorinthien 14:33, 40) Bia ye ke beta wô’ô na môt a te wu, ve na, môt a te wômô vôme si, vôme ka. Ye ô wô’ô fo’o simesane ndi nleme ya ñwômane miñwuan, e dañe dañe biyoñe ya meve’ele? (2 Becorinthien 4:17, 18) Ye ô wô’ô fo’o ve Yéhôva akiba amu ntañ, a amu a ka’ale bia na a ye wômôlô bôte be wuya?Becolossien 3:15.

  • Bôte ya nda bôte jôé bevé, nge ke bemvôé bôé bevé wo dañe kômbô beta yen?

  • Bôte bevé ya Kalate Zambe wo dañe kômbô yen a laan a be?