Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone baa 2017

 ÉNYIÑE BEKRISTEN

Yeme’e belane bekalate ba timine Bible

Yeme’e belane bekalate ba timine Bible

Yésus a nga ye’ele na: “Mi nga nyoñ teke kus, va’ane te kuan.” (Mt 10:8) Bia tôñ atiñe te éyoñe bia bo te yemete bôte na be ve moné éyoñ bia li’i be bekalate ba timine Kalate Zambe, nge Kalate Zambe émien. (2Bec 2:17) Ve jame da, bekalate bete be bili benya mejôô ma so be Zambe. Njuk a moné bia sili na bekalate bete be kui, a na be lôme be mekônda ya si se. Ajô te nde, bia yiane nyoñe ve abime da yiane bia.

Bela’ane fe’e meyen éyoñ wo ve bôte bekalate bete, ja’a éyoñ wo kañete vôme bôte be ne abui. (Mt 7:6) Nyoñ éyoñe ya laan a bôte wo tôbane be na ô yem jôme be bili nlem, a lôte na ô ve be ve bekalate. Ye ô ne jô na yaa to’o ve nsili wua ya minsili mi ne nka’ale le? Nge wo kate yeme nge môt a nye’e mejô me Zambe, a ne mvo’é na ô li’i nye ve tract. Ve jam da, nge a sili wo na ô li’i nye kalate mefoé nge kalate mfe, wo ye ve nye nye a mevak.Min 3:27, 28.