Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngone baa 2017

ÉNYIÑE BEKRISTEN

Volô’ô benyo bon be bi ngule mbunane be Nté wop

Volô’ô benyo bon be bi ngule mbunane be Nté wop

Biôme Yéhôva a nga té bia kañete étôto’o jé. (Bs 19:1-4; 139:14) Ve jame da, émo Satan ji ja wumulu beta ñye’elan a ve Zambe ôsone nyul. Ñye’elan ôte wo kobô ajô ya atata’a ya ényiñ. (Bero 1:18-25) Aval avé ô ne bo na aval asimesan ete é bo te kôm éto nleme wôé été, nge wu benyo bon? Nté be ngenane bone be bongô, volô’ô be na be yemete mbunane wop na Zambe a ne, a na, a nyoñe môt ase ya be be ngap. (2Bec 10:4, 5; Beép 6:16) Bo’o na benyo bon bebien be zu kate wo mame ba ye’ele be sikôlô, a bela’ane bikpwelé ô ne ji’a yen asu na ô nambe minleme miap.Min 20:5; Jc 1:19.

YENE VIDÉO AVALE BISOÉ BIA SIMESAN: E BUNI ZAMBE; MVUSE YA VALÉ SILI’I MINSILI MI:

  • Jé nje bôt ba zu ba jô mfa’a ya mbunane Zambe?

  • Jé nje ba ye’ele e sikôlô wôé?

  • Amu jé ô too ndi na Yéhôva a ne?

  • Aval avé ô ne volô môte na a kañese na Zambe nnye a nga té biôm bise?