Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngon ôsu 2017

 ÉNYIÑE BEKRISTEN

Te vuane ye’elan asu Bekristen ba tôban étibela’a

Te vuane ye’elan asu Bekristen ba tôban étibela’a

Kalate Zambe a nga jô na Satan a ye tibili bia, a jeñe na, a te’elan ésaé nkañete jangan. (Jn 15:20; Nli 12:17) Aval avé bi ne volô Bekristene bevok ba tôban étibela’a mesi map? Bi ne ye’elan asu dap. “Meye’elane ya zôsôa môt me adañ ngu mfa’a ya mam me abo.”Jc 5:16.

Bi ne ye’elan asu jé? Bi ne sili Yéhôva na, a ve bobejañ a besista ngule nlem, a volô be na be bo te ko woñ. (És 41:10-13) Bi ne fe ye’elan asu na, bôte ya éjôé be bi mbamba nleme mfa’a ya avale ba yen ésaé nkañete bia bo, “nde bi aye wulu ényiñ é ne te éndeñela’a a é ne évôvoé.”1Tim 2:1, 2.

Éyoñe Paul ba Pierre be nga tôban étibela’a, Bekristene ya ntete mimbu ôsu be nga ye’elan ajô dap, be tote biyôlé biap. (Mam 12:5; Bero 15:30, 31) To’o bi nji yeme biyôlé Bekristene bese ba tôban étibela’a den, bi ne tote biyôlé mekônda map nge mesi map, nge minlam miap.

Tili’i biyôlé mesi bekristen ba tôbane étibila, amu wo kômbô ye’elan asu bôbejañe ya mesi mete