Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngon ébulu 2017

 LIVING AS CHRISTIANS

Yañele be na be ke ôsu a bo Yéhôva ésaé

Yañele be na be ke ôsu a bo Yéhôva ésaé

Abui beamu da liti na, môte ba te kôme yañele éyoñ a taté na a kañete mbamba foé, asu ya na a bo de a ayôñ éyoñ ése, a wô’ô su’ulane ke bo étôtôlô nkañete mbamba foé. (Min 22:6; Beph 3:16) Nge mia kômbô volô ñyé’é Bible na, a bi mbamba mbôka’a mfa’a ya ésaé nkañete, mi ne belane melebe ma:

  • Nné ane wo yene na, be kañeseya na, ñyé’é Bible wôé a bo nkañete mbamba foé, taté’é na, wo yañele nye. (km 8/15 p. 1) Va’a nye ngule ya bo na, ésaé nkañete é bo ngabe jia ya mam a bo sondô ase. (Beph 1:10) Jeñe’e na ô bi mbamba bifia a lat a ésaé mia bo. (Beph 4:8) Va’a nye ngule na, a saé fe a mojañ a wulu angôse nkañete, a bekañete mbamba foé bevok, mfa’a ya na be’ fe be yañele nye.​—Min 1:5; km 10/12 p. 6 par. 3

  • Éyoñe ñyé’é Bible wôé a dubaneya, kele’ ôsu a ve nye ngul, ô yañele fe nye ésaé nkañete, e dañedañe nge a nga’ane teke mane yé’é kalate “Amour de Dieu”. ​—km 12/13 p. 7

  • Bela’an éve’ela é ne tyi’ibi ya tôñ éyoñe mia môt a ndôme taté ésaé nkañete mi ne nkañete. Éyoñ ô maneya vô’ôlô ane a kañete, se’e nye. Va’a nye melebe ma ye volô nye na, a bo étôtôlô.​—km 5/10 p. 7