Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngon awômô 2017

 ÉNYIÑE BEKRISTEN

Aval ô ne bo nya ñyé’é Mejô me Zambe

Aval ô ne bo nya ñyé’é Mejô me Zambe

Ye wo kômbô ke ôsu a wulu ba’aba’a a Zambe to’o ô tele minju’u été ane Daniel a nga bo? Daniel a mbe nya ñyé’é Mejô me Zambe, a mbe fe a kôme yé’é minkulane mejô. (Dn 9:2) E bo nya ñyé’é Mejô me Zambe a ne volô wo na, ô ke ôsu a wulu ba’aba’a a Zambe. Aval avé? A ne nene mbunan ô bili na, bengaka’a be Yéhôva ba ye tôéban. (Jos 23:14) A ne fe volô wo na, nye’ane wo nye’e Yéhôva ô nen, ñwô wo ye bo na, ô bo mam me ne mvo’é. (Bs 97:10) Ve ô ne taté vé? Tôñe’ melebe ma.

  • Jé ma yiane yé’é? Mbamba nta’ane mam asu ayé’é a yiane bi nkômesane bisulan y’akônda. Nlañane Bible sondô ase wo ye volô bia abui nge bia nyoñ éyoñe ya jeñe biyalane ya mam bi nji tu’a wôk. Bôte bevo’o be nga tobe fe na, be tu’a fa’a minkulane mejô ya Bible, bifase ya ébuma ya nsisime Zambe, mulu mese nlômane Paul a nga ke, nge mam mese Yéhôva a nga té. Nge wo te simesane nsili éziñ a môs, tili’i wô vôm éziñ a jeñe na ô bi éyalane y’été ayé’é dôé.

  • Me ne jeñe miñye’elane vé? Asu na ô yem mam ô ne bo, yene’ vidéo, Bikpwelé bi ne volô na bi yene bidima bi mam. Asu na ô yemelan abime ñyeman ô bili, jeñe’ na ô yeme bijôé bivé ba ve’e bie a betit ba jôô be Daniel kabetôlô 7.

  • Abim éyoñ évé me ne nyoñ asu ayé’é? E bo mban ya yé’é a ne mfi asu mvo’é jangane ya nsisim. Ô ne taté ayé’é dôé mon étun éyoñ, nge nalé a yian, ô ne ke wo kô’ôlan éyoñ ôte’ete’ ôte’etek. E yé’é Mejô me Zambe a ne ve ane wo fa’a bidima bi biôme bi solô; abime wo yen, abim ete fe wo ye kômbô ke ôsu a fak! (Min 2:3-6) Nye’an ô bili asu Mejô me Zambe wo ye nen, a ayé’é Bible dôé éyoñ ése da ye ke ôsu a bo fulu jôé.​—1P 2:2.

BETITE YA KALATE DANIEL KABETÔLÔ 7 BA TINANE JÉ?

  • Dn 7:4

  • Dn 7:5

  • Dn 7:6

  • Dn 7:7

NSILI ÔFE:

Aval avé éfuse ya Daniel 7:8, 24 é nga tôéban?

JAM AFE MA KÔMBÔ YEM:

Betite ya kalate Nlitan kabetôlô 13 be ne éve’ela jé?