Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ényiñe Kristen a ésaé nkañete jangan--Kalate ésaé asu bisulan  |  Ngon awôm a baa 2016

 ÉNYIÑE BEKRISTEN

“Me nyô! Lôme ma!”

“Me nyô! Lôme ma!”

Bia yiane vu fulu Ésaïe, nnye a mbe a bili nkômbane ya bo jôm ése Zambe a mbe a jô nye na a bo. Akusa bo na, a nji be a yeme jôme Zambe a mbe a yi na a bo, a nga ji’a kañese na a ke nlôman. (És 6:8) Ye wo fe, ô ne ta’a ényiñe jôé aval é ne na, ô bo ngule ya ke su’u ésaé vôme bekañete mbamba foé ba jemban? (Bs 110:3) E ne fo’o été na, wo yiane “taté tabe si a fase tañ” ôsusua na wo nyoñe ntyi’an ôte. (Lc 14:27, 28) Ve, wo yiane fe bi nkômbane ya nyume womiene mam asu ésaé nkañete. (Mt 8:20; Mc 10:28-30) Avale vidéo a ne nlô ajô na, Ba ke su’u ésaé vôme bekañete ba jemban a te liti, bibotane bia nyoñ éyoñe bia bo Yéhôva ésaé, bia dañe mame mese bia li’i mvus.

ÉYOÑE VIDÉO A MANEYA, YALA’ANE MINSILI MI:

  • Nda bôte Williams é nga nyum émiene mame mevé asu na, é ke su’u ésaé nkañete e si ya Équateur?

  • Be nga taté fase mame mevé ôsusua na ba tobe vôme ba ke?

  • Be nga bi bibotane bivé?

  • Nge bia kômbô yeme vôme bekañete ba jemban, jé bia yiane bo?

FASANÉ MINSILI MI ÉYOÑE MI AYE BETA BO AYÉ’É YA NDA BÔT:

  • Jé nda bôte jangan é ne bo nge ja kômbô nene ésaé nkañete jé? (km 8/11 4-6)

  • Nge ô nji bo ngule ya ke vôme bekañete ba jemban, aval avé ô ne su’u akônda dôé? (w16.03 23-25)