Kele vôm ô ne lañe de

Kele sous-menu

Bengaa be Yéhôva

Bulu

Wo yene Kalate Zambe na a ne jé?

Wo yene Kalate Zambe na a ne jé?

Ye . . .

  • kalate abili fek ja so be môt a binam?

  • kalate minkana?

  • mejô me Zambe?

 JÔME KALATE ZAMBE A JÔ

“Ntilan ôse ô ne nsoane be Zambe.”2 Timothée 3:16, Kalate Zambe.

JÔME ÑYEMAN ÔTE Ô NE VE WO

Biyalane ya beta minsili y’ényiñe.Minkana 2:1-5.

Abeñe melep asu ényiñe jôé ya môs ôse.Besam 119:105.

Nya ndi nlem asu ényiñe ya melu ma zu.Beromain 15:4.

 YE BI NE FO’O BUNI MAME KALATE ZAMBE A KOBÔ?

Ôwé, mame melal ma m’aliti nalé:

  • Étua abeñe nlatane. Bôte bebé 40 be nga tili Kalate Zambe tañe mimbu 1600. Abui ya été é nji yeme babevok. Ve jame da, mintilane miap mise mi ne nlatane a mi a kobô ajô da!

  • Minkañete ya été mi ne zôsôô. Bekañete minlañe be wô’ô nye’e be solé’é bivus bi mam meyoñe map me nga bo. Betili Kalate Zambe ke be nga mane tili bivus bi mam bôte bap a ayoñe dap be nga bo.2 Minkañete 36:15, 16; Besam 51:1-4.

  • Minkulane mejô ya été mia tôébane éyoñe ése. Mimbu 200 ôsu, Kalate Zambe a nga jô na Babylon, tison ya melu mvus, aye tyambane. (Ésaïe 13:17-22). A nga kate, sake ve aval Babylone a ye tyambane, a nga ve fe jôé njô bôt a ye tyame je!Ésaïe 45:1-3.

    Abui minkulane mejô mife mi nga tôébane akekui bone be mam ya été. Ke nne fo’o mejô me Zambe me ayiane bo nalé nga?2 Pierre 1:21.

 FASEK

Aval avé Mejô me Zambe me ne kôme ényiñe jôé?

Kalate Zambe a yalane nsili ôte ÉSAÏE 48:17, 18 a 2 TIMOTHÉE 3:16, 17.