Kele vôm ô ne lañe de

Kele sous-menu

Bengaa be Yéhôva

Bulu

Wo yen ényiñe ya melu ma zu aya?

Wo yen ényiñe ya melu ma zu aya?

Yényiñe te jaye . . .

  • bo ve aval é ne éyoñe ji?

  • tu’a ndaman?

  • kômbane?

 JÔME KALATE ZAMBE A JÔ

“Zambe . . . a ye fimi mili’i mese mise map; a awu de aye fe bo; nalé fe ôlun vi aye fe bo, nge ñyôn, nge mintaé: mame ya ôsu me lôteya.”Nlitan 21:3,4, Kalate Zambe.

JÔME ÑYEMAN ÔTE Ô NE VE WO

Mbamba ésaé.Ésaïe 65:21-23.

Akon a meval minjuk mise mi a ye mane.Ésaie 25:8; 33:24.

Ényiñe ya nnôm éto, e meva’ été a bôte ya nda jôé a benyo mvôé.Besam 37:11, 29.

 YE BI NE FO’O BUNI MAME KALATE ZAMBE A KOBÔ?

Ôwé, mam mebaé ma, ma liti nalé:

  • Zambe a bili ngule ya tôé ngakaa. Amu ngul jé é ne te nné, ajô te nde Kalate Zambe a loene fo’o ve Yéhôva Zambe na “Nyô a bili ngul ése”. (Nlitan 15:3) Yaa, a bili fo’o ngul ya tôé ngaka’a jé a mane fe kôñelane si na é bo mvo’é. Kalate Zambe émien a jô na “Zambe a ne ngul ya bo mam mese.”Matthieu 19:26.

  • Zambe a bili nkômbane ya tôé ngakaa. Kalate Zambe a jô na, Yéhôva a ‘bili nkômbane’ [ne “ôjeja’a” , NW] ya wômôlô bôt be maneya wu.Job 14:14, 15.

    Kalate Zambe a beta fe liti na Yésus, Mona Zambe a nga saé akon. Amu jé a nga bo de? A nga bo de amu a mbe a bili nkômbane. (Marc 1:40, 41) Yésus fe a nga tu’a fo’o vu mefulu m’Esaa wé mfa’a ya kômbô volô bôt be bili minjuk.Jean 14:9.

    Nde bi ne tabe ndi nlem na Yéhôva ba Yésus ba kômbô volô bia na bi nyiñe meva’a été melu ma zu!Besam 72:12-14; 145:16; 2 Pierre 3:9.

 FASEK

Jam avé Zambe aye bo asu na si é kôñelane paradis?

Kalate Zambe a yalane nsili ôte e MATTHIEU 6:9, 10 a DANIEL 2:44.