Mexique

Allemagne

Botswana

Nicaragua

Italie

Ye wo yem amu jé bôte bese ba be ne mevak? Ane amu ba te zu tabe étôkan. Aval ane bebo bisaé be Zambe ya melu mvus be mbe be kele nyoñe ñye’elane biyoñe bilale mbu ôse, avale te fe bi ne évévé ya tabe bitôkan biangan. (Deutéronome 16:16) Mbu ôse, bi bili bitôkane bila: étôkane ya alu da, biyoñe bibaé mbu, a beta étôkane ya melu mela. Jé bia nyoñe beta bisulane bite?

Bia yemete élat é ne zañe jangan. Aval ane ayoñ Israël é mbe é bili meva’a ya kañe Yéhôva “bisulan été”, bia fe bi bili beta ava’a ya kañe Zambe fufulu. (Besam 26:12) Beta bisulane bite bi avolô bia na bi tôban a Bengaa ya mekônda mevok, a ba ya meyoñe mefe. E zañe môs, bia di vôme wua a laane mbamba minlañ. (Mam minlôman 2:42) A zene ya beta bibe’e ya nsisim, môt ase ya be bia a kôme wô’ôtane nye’ane wo late bia “a bobejañ” bangan.​—1 Pierre 2:17.

Bia volô na bi yaé e nsisim. Bone b’Israël be nga wô’ô mevak éyoñe be nga “tu’a wô’ô mejô” me Zambe amu be nga kôme be timine me. (Néhémie 8:8, 12) Den, bia fe bia nye’e melebe bia nyoñe bitôkan. Mame mese bia yé’é ma so Kalate Zambe. Minkañete a besisia, mia ye’ele bia nkômbane Zambe asu ényiñe jangan. Ényiñe Bengaa bevok ja ve bia ngule nyul a volô bia na bi dañe minjuk. Beta étôkan ya melu mela a bili ngumba avale ñye’elane wo liti bia mfi ôvé bi ne bi minkañete mia so Kalate Zambe. Bôte ba dubane fe bitôkane bite bise.

  • Amu jé bi bili ava’a ya tabe bitôkan?

  • Mfi ôvé ô ne bi éyoñe wo tabe étôkan?