Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 18

Aval avé bia volô bobejañe ba tôbane minjuk?

Aval avé bia volô bobejañe ba tôbane minjuk?

République Dominicaine

Japon

Haiti

Éyoñe mbia jam a kui atemetem, Bengaa be Yéhôva ba ji’a fas avale be ne volô bobenyañe be tele nju’u été. Jam ete da liti nya nye’an a ne zañe jangan. (Jean 13:34, 35; 1 Jean 3:17, 18) Aval avé bia volô bobejañ?

Bia ve moné. Éyoñe mfumbale ya zaé a nga kui ayoñe Judée ntete mimbu ôsu, Bekristene ya Antioche be nga lôme moné asu na be su’u bobenyañe bap. (Mam minlôman 11:27-30) Dene fe, nge bi wô’ô na bobejañe béziñe ba ke bi njuk, bia ve ngul ése asu na bi lôme be moné a volô be a zene ya akônda.2 Becorinthien 8:13-15.

Bia ve mimvolan. Bemvendé be ne vôm ébubua ya te kui, ba jeñe na be yeme nge bobenyañe bap bese be ne mvo’é. Ba be tele ôsu mfa’a ya volô bobejañe be ne minju’u été ba ve bidi, mendime ya nyu, biyé ya jaé, mebiañ, a étaba’a. Bengaa ba yem avale mame méziñ, ba nyoñe ntyi’ane na ba ke vôme nju’u wo te kui a ngule jap, na be ke volô kôme menda a meba m’Éjôé. Bia wô’ô meva’a ya saé nleme wua asu na bi volô bobejañe be ne minju’u été. Bia volô ki ve Bengaa be Yéhôva, bia volô fe bôte befe.Begalate 6:10.

Bia ve be ngule nyul a zene ya Kalate Zambe. Ba be bili minjuk mbe ba dañe yiane mvolan. Avale biyoñe te, bia nyoñe ngule jangane be Yéhôva, “ésa ya mvam a Zambe ya mvolane minlem.” (2 Becorinthien 1:3, 4) Éyoñe bia kate bôte be tele minjuk mengaka’a ma so Kalate Zambe, jôme te ja volô na be bi ndi nleme na, Éjôé Zambe ja zu mane vaa minju’u mise ana’ana.Nlitan 21:4.

  • Amu jé Bengaa ba ji’a volô bôt éyoñe mbia jam a kui atemetem?

  • Aval avé bi ne su’u bôte be tele minju’u été?