Nkômbane Zambe ô ne aya?
Zambe a yi na bi nyiñe mvo’é a meva’a été nnôm éto e Paradis si va.
Bôt abui ba sôane de. Ve Kalate Zambe a liti na jam ete d’aye boban a zene ya Éjôé Zambe. Zambe a yi na môt ase a tu’a yeme nkômbane wé a Éjôé jé.—Besam 37:11, 29; Ésaie 9:7.
Zambe a yi mvaé jangan.
Aval ane mbamba ésa a yi mvo’é asu bone bé, Zambe fe a yi na bi nyiñe meva’a été nnôm éto. (Ésaie 48:17, 18) A nga ka’a na ‘nyô a bo nkômbane wé, nnye a ye nyiñe nnôm éto.’—1 Jean 2:17.
Zambe a yi na bi wulu mezene mé.
Kalate Zambe a jô na Nyô a nga té bia a yi na bi “wulu mezene mé”, ajô te nde a ‘ye’ele bia mezene mete.’ (Ésaie 2:2, 3) A nga tobe bôte ya ‘meyoñe mese a bo be na be be’e jôé dé’ asu na si se é yeme nkômbane wé.—Mam minlôman 15:14.
Zambe a yi na bôte ba kañe nye be bo nleme wua.
Nya ékaña’a a nji kandé bôte mengame mengam, a late be nye’an été. (Jean 13:35) Ñyebe ôvé wo volô bôte ya mesi mese na be kañe Zambe nleme wua? Éyalane ya nsili ôte é ne nsoé kalate wu.