Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 4

Amu jé bi nga kôñelane Traduction du monde nouveau?

Amu jé bi nga kôñelane Traduction du monde nouveau?

Congo (Kinshasa)

Rwanda

Éyôlé Zambe e Besam 69:31 afep ya Symmaque, ntet mimbu 3 nge wu 4 ya éyoñe jañgane ji.

Bengaa be Yéhôva be nga taté na ba belan, ba kuli a kabe miñkôñelane mi Kalate Zambe mife. Ve, bi nga yene mfi ya kuli nkôñelane wo volô bôte na be “yeme benya mejôô” avale Zambe a yi. (1 Timothée 2:3, 4) Éyoñe te nje mbu 1950, bi nga taté na bia kuli bifase ya Traduction du monde nouveau (Nkôñelane ya mfefé émo). Nkôñelan ôte ô lôteya minkobô 130. Ô ne zôsô a wo wulu ba’aba’a a nkômbane Yéhôva.

A ne tyi’ibi ya wôk. Minkobô mise mia tyendé, a bifia biziñe bia jañ. Jam ete da bo na minkôñelane mi Kalate Zambe miziñe mi bo ayaé ya wôk. É too fe na, den, beyeme mam be yeneya minnôme mintilane mia volô na bi kôme wôk hébreu, araméen a grec, minkobô ya be nga tili mie Kalate Zambe.

A tôñe mejô me Zambe ne tititi. Bôte ba kôñelane Kalate Zambe ba yiane tôñe mintilane ya melu mvus. Be nji yiane vaa nge beté jôm éziñ été. Ve abui minkôñelan é nga vaa éyôlé Yéhôva e Mimfufup Mintilan.

A ve Yéhôva duma. (2 Samuel 23:2) Fôtô a ne afebe dina si a liti na, éyôlé Yéhôva é mbe minnôme mintilan. Traduction du monde nouveau a nga beta futi éyôlé te bevôm bese be nga vaa je, bebé bevôm 7 000. (Besam 83:18) Bengaa be Yéhôva be nga nyoñ éyoñe ya bo ésaé te asu ya na, nkoñelane Bible ôte ô tu’a liti ôsimesane Zambe, a na, ô bo tyi’ibi ya lañ a tyi’ibi ya wôk. Ja’a ô nji bi Traduction du monde nouveau nkobô wôé, kele ôsu a lañe Kalate Zambe môs ôse.Josué 1:8; Besam 1:2, 3.

  • Jé é nga bo na bi kôñelane Kalate Zambe?

  • Fulu fé môt ase a yi na a bo nkômbane Zambe a yiane bi?

NGE WO KOMBÔ YEM ABUI MAM

Jé Kalate Zambe a tu’a ye’ele?

Kalate Zambe—Kalate a so be Zambe

Nne Kalate Zambe a ne volô wo na ô dañe minju’u miôé ya ényiñ aya?