Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 3

Aval avé éfufube ya benya mejôô é nga beta faé?

Aval avé éfufube ya benya mejôô é nga beta faé?

Béyé’é Kalate Zambe ya zia mimbu 1870

Nkume mmombô a bete ôsu nkobô énglis mbu 1879

Nkume mmombô a bete ya melu ma

Kalate Zambe a nga jô na, mvus awu Krist, bivuse beye’ele bi yéné akônda a b’aye ye’ele minsos. (Mam minlôman 20:29, 30) Nne fe é nga bobane nalé. Be nga fulane miñye’elane mi Yésus a mbia miñye’elane ya bivuse miñyebe. Ane jo’ojo’o ékaña’a a nga nyiin ékôane Bekristen. (2 Timothée 4:3, 4) Aval avé bi ne tabe ndi nleme na bia kôme wô’ô jôme Kalate Zambe a tu’a ye’ele?

Éyoñe Yéhôva a mbe na a kuli éfufup é nga kui. A nga jô na ‘éyoñe ya asu’ulan, ñyemane w’aye bo abui.’ (Daniel 12:4) Mbu 1870, mone nsamba Beyé’é Kalate Zambe a nga fas a yene na, abui miñye’elane ya miñyebe mi nji so Kalate Zambe. Ajô te nde be nga taté na ba jeñe miñye’elane ya ôsusua. Yéhôva a nga botane be, a faé be éfufup.

Be mbe be yeké’é Kalate Zambe nya nyé’ane. Mone nsamba bôt ate a mbe a yeké’é Kalate Zambe avale bia fe bia yé’é den. Be mbe be fase nlô ajô ôse. Éyoñ éfuse ya Kalate Zambe é nga too ayaé ya wôk, be nga jeñe bifuse bife bia timine je. Éyoñe be kuiya tyiñe na avale ba wôk éfuse te ja yian a bifuse bise bivok, be tili ñwô’ane te ngume vôm. Be nga jô’é Kalate Zambe émien a ve éfufup. Nalé ate a nga volô na be beta yene benya mejôô ma lat a éyôlé Zambe, Ejôé jé, nsôñane wé asu bôt, asu si, été bewu, a ndi nleme ya ñwômane miñwuan. Miñye’elane mite mise mi nga volô na be kandan a bivuse miñye’elan a mbia mimboan.Jean 8:31, 32.

Ataté mbu 1879, Beyé’é Kalate Zambe be nga yene na, éyoñe ya kuli benya mejôô é kpwaaneya. Ane be nga taté na ba kuli nsoé kalate ba loene na Nkume mmombô a bete a yôtan Ejôé Yéhôva. Den, bia yé’é benya mejôô a bôte ya minlame 240, a e minkobô 750. Abui ñyeman é ngenane teke tame bo nalé éyoñ éfe.

  • Jé é nga bo na benya mejôô ya Kalate Zambe me jañe mvus awu Krist?

  • Aval avé éfufup é nga beta faé?