Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 28

Jé bi ne koone je anjeñe mefoé dangane ya internet?

Jé bi ne koone je anjeñe mefoé dangane ya internet?

France

Pologne

Russie

Yésus Krist a nga jô beyé’é bé na: “Fa’an éfufup jenan vôm bôte be to, ajô te be aye yen mba be mam mi abo a ve Eso wônan a ne yôp duma.” (Matthieu 5:16) Asu ya na bi bo jam ete, bia belane ñyemane mame ya éyoñe ji aval ane Internet. Nge wo kômbô yeme bia a mame bia bo, adresse ya anjeñe mefoé dangan a ne jw.org. Jé ô ne koone je wôé?

Biyalane ya minsili abui bôte da sili. Ô ne koone biyalane ya beta minsili ya ényiñ été. Ô ne koene betract be ne minlô mejô na Ye minjuk mi aye fo’o man?, a Ye bewu b’aye fo’o beta nyiñ? anjeñe mefoé dangan tañe minkobô 600. Ô ne fe koene Kalate Zambe Traduction du monde nouveau tañe minkobô a lôte 130, a bekalate befe aval ane: Jé Kalate Zambe a tu’a ye’ele?, Nkume mmombô a bete, a Réveillez-vous! Ô ne lañ, e vô’ôlô nge limiti bekalate bete e MP3, PDF nge ke EPUB. Ô ne kuli bekalate minkobô mife asu na, nge wo yeme môt éziñ a nye’e a wô’ô mejô me Zambe, ô ve nye be nkobô wé. Ô ne fe limiti bevidéo, befilm ya Bible a mezik.

Mefoé ya ényiñe jangan a mame bia bo. Anjeñe mefoé te da liti ane ésaé Bengaa be Yéhôva ja bobane si se a mame ma kui bobenyañe bangane ya mesi mese. Da liti fe avale bia su’u ba ba tôbane minjuk. Nge wo kômbô yeme vôme Béthel a né, a vôme bia bo bitôkan, kele anjeñe mefoé.

Mame mete mese m’avolô bia na bi faé éfufube ya benya mejôô si se. Internet a kate mefoé mangane vôm ase. Bia ke ôsu a ye’elan asu na “mejô me [Zambe] me wulu a wum.”2 Bethessalonicien 3:1.

  • Aval avé jw.org a bo na bôte be yeme benya mejôô?

  • Jé wo kômbô yen anjeñe mefoé dangan?