Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 7

Bisulane biangane bia ye’ele bia mame mevé

Bisulane biangane bia ye’ele bia mame mevé

Nouvelle Zélande

Japon

Ouganda

Lithuanie

Bekristene ya ôsusua, be nga be be yia bia, be bo’o meye’elan, be lañ a yé’é mejô me Zambe bisulane biap. Be mbe teke bo mame minyéné. (1 Becorinthien 14:26) Avale te nde fe bia bo bisulane biangan.

Ñye’elane wo so Bible ô ne mfi asu ényiñe jangan. Ésulane ya amane sondô ja taté a Nkañete ya mengana bôt wo so Kalate Zambe. Nkañete ôte wo tabe minute 30. Melebe ya été me ne mfi asu ényiñe ya melu ma. Môt ase a yiane lañe bifuse ya Kalate Zambe ba ve. Mvuse ya valé bia bo Ayé’é ya “Nkume mmombô a bete” tañe ngumba awolo. Môt ase a ne ntindane na a ve éyalane jé e mam a ke yé’é nda. Ésulane te ja volô bia na bi tôñe melebe ya Kalate Zambe ényiñe jangan. Bengaa be Yéhôva ya si se, tañe mekônda a lôte 110 000, ba bo bisulan avale da da.

Atyeñe ya ye’ele Mejô me Zambe. Bia sulane fe zañe sondô asu ésulane bia loene na, Ényiñe Kristen a ésaé nkañete jangan, ésulane te é bili ngab éla. Mame bia yé’é été ma so e Kalate ésaé asu bisulan, kalate ate a kui ngon ése. Ngap ôsu ya ayé’é éte é ne nlô ajô na, Bidima bi mame ya Kalate Zambe. Ngabe te ja volô bia na, bi mane yembane abôta ya nlañane Bible akônda é maneya tate lañ. Ngabe ja tya’a valé é ne, Bo’ok ésaé nkañete nya mboane, ngabe te é bili besisia ba liti bia aval avé bi ne ye’ele bôte bevok Mejô me Zambe. Mojañ éziñ a ve bia melebe m’aye volô bia na bi bo atyeñ mfa’a ya nlañan a nkobô. (1 Timothée 4:13) Ngabe ja su’ulan, é ne nlô ajô na, Ényiñe Bekristen, ngabe te ja liti bia aval avé bi ne tôñ miñye’elane ya Kalate Zambe ényiñe ya môs ôse. É bili minsili a biyalan, é bili fe minlañ, mame mete ma volô bia na bi tu’a wô’ô Bible.

E môse w’aye tabe ésulane Bengaa be Yéhôva, womien w’aye kam abeñe miñye’elane w’aye nyoñe wôé.Ésaïe 54:13.

  • Bisulane biangane bia boban aya?

  • Wo kômbô tate zu tabe ésulan évé?