Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 17

Aval avé alo da ndeñe ndeñ (be itinérant) da volô bia?

Aval avé alo da ndeñe ndeñ (be itinérant) da volô bia?

Malawi

Ékôan asu nkañete

Nkañete

Ékôan a bemvendé

Kalate Zambe a kobô ajô Paul ba Barnabas. Be mbe bejome mekônda ya ôsusua. Amu jé be mbe be bo jam ete? Amu be nga too be simesa’ane Bekristene bevok. Paul a nga jô na ‘a yi na a bulane ke jome bobenyañ a yen ane be too’. A nga wulu mintete bekilimita na a ke be ve ngule nyul. (Mam minlôman 15:36) Avale te fe bejome mekônda ya dene ba bo.

Ba zu ve bia ngule nyul. Njome mekônda ase a jome bebé mekônda 20 biyoñe bibaé mbu. A tabe sondô jia akônda ése. Ñyeman a bili, ba minga wé éyoñ a ne nlu’an, wo volô bia abui. Ba ve ngul ése na be yemban a bôte bese ya akônda, a ba wô’ô mvaé ya ke nkañete a môt ase ya be bia. Ba bemvendé ba jome fe bôte y’akônda menda map a ve be ngule nyul. Ba ve abeñe miñye’elane bisulan a bitôkan.Mam minlôman 15:35.

Ba nyoñe ngab a bia bese. Ba volô môt ase ya be bia na a subu Yéhôva bebé. Ba bemvendé a bediakone be wô’ô bo ékôan asu na a ve be melep, aval avé be ne kôme bo ésaé jap. Ba liti bekpwa’a mefan avale be ne kôme bo ésaé nkañete, ba wô’ô meva’a ya tôbane mimfefé Bekristen a yen ane ba yaé nsisim. Bobejañe bete ba ve ényiñe jab ése ane be “ébe mbo ésaé mfa’a wongan.” (2 Becorinthien 8:23) Bia yiane vu mbunane wop.Behébreu 13:7.

  • Amu jé bobejañe bete ba jome mekônda?

  • Aval avé bi ne bi mfi éyoñe ba jome bia?

NGE WO KOMBÔ YEM ABUI MAM

BEZA BA BO NKÔMBANE YÉHÔVA DEN?

Amu jé Bengaa be Yéhôva be bili beta be assemblée?

Mbu ôse, bia tôban asu beta bibe’e bilal. Aval avé bi ne nyoñe mfi e bisulane bite?

BEZA BA BO NKÔMBANE YÉHÔVA DEN?

Ésaé nkañete Bengaa be Yéhôva ja boban aya?

Bia tôñ éve’ela Yésus a nga li’i bia. Mefatane me nkañete me ne mevé?