Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 1

Bengaa be Yéhôva be ne avale bôt avé?

Bengaa be Yéhôva be ne avale bôt avé?

Danemark

Taïwan

Vénézuéla

Inde

Abime Bengaa be Yéhôva avé wo yem? Ye be ne vôm ô too, nda bisaé jôé, nge sikôlô wôé? Éyoñ éziñe na, mia wua y’été mi yé’éya Kalate Zambe. Ve nsili ô ne na, bi ne ne avale bôt avé? A amu jé bia ke bia kañete bôte Mejô me Zambe vôm ase?

Bi ne ane bôte bevo’o bese. Bia so meyoñe mese. Môt ase ya be bia a bili nté nkôñ éyiñe wé. Abui ya be bia é mbe miñyebe mife, bevo’o ke be mbe te buni Zambe. Ve bia bese bi nga nyoñ éyoñe ya tu’a yé’é Kalate Zambe. (Mam minlôman 17:11) Môt ase ya be bia a nga tobe na a kañe Yéhôva Zambe, amu a nga buni mam a nga yé’é.

Ayé’é Kalate Zambe é ne bia mfi. Bia kop a bia tôbane minjuk ane bôte bevo’o bese. Ve mbôle bia ve ngule ya wulu avale Kalate Zambe a jô, éyiñe jangane ja tyendé. (Besam 128:1, 2) Ajô te nde bia ke bia kañete bôte bevok abeñe mame bia yé’é.

Miñye’elane miangane mi aso Kalate Zambe. Mi avolô bia ényiñe jangan a bo na bi semé bôte bevok, bi bo zôsô, évôvoé nlem, ngômôtô; bi yeme fe ba’ale menda me bôte mangan. Bi kusa so meyoñe mevale meva, bia bese bi ne jôme jia, amu ‘Zambe a nji bo ôbangam.’ Ôwé, bi ne fo’o ane bôte bevo’o bese, ve jame da ékôane jangan é ne ngumba aval!Mam minlôman 4:13; 10:34, 35.

  • Amu jé bi ne jô na Bengaa be Yéhôva be ne ane bôte bevo’o bese?

  • Mefulu mevé Bengaa be Yéhôva be nga yé’é Kalate Zambe?

NGE WO KOMBÔ YEM ABUI MAM

Jé Kalate Zambe a tu’a ye’ele?

Ényiñ j’ ave Zambe nlem avak

Bine nyiñe avale enyine Yéhôva a nyée. Nale’a tiname na, ô’ni bu mvôé jé

Jé Kalate Zambe a tu’a ye’ele?

Ékaña’a Zambe a kañese

Fase mame mesaman ma volô na ô yemelane za ave Zanmbe nya ékaña’a.