Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 14

Besikôlô bevé be ne asu bekpwa’a mefan?

Besikôlô bevé be ne asu bekpwa’a mefan?

États-Unis

Sikôlô Guiléad, Patterson, New York

Panama

Bengaa be Yéhôva ba zu ba bo besikôlô. Mingume besikôlô mi ne asu bôte ba ve éyoñe jap ése na be bo ésaé ya nkañete mbamba foé y’Éjôé. Nalé a volô be na ‘be jalé ésaé jap avale da yiane.’2 Timothée 4:5.

Sikôlô bekpwa’a mefan. Nane nkpwa’a mefan a kui ngumba mbu, a bili na a ke sikôlô ba bo Aba Éjôé; sikôlô ate a tabe melu 6. A volô nkpwa’a mefane na a subu Zambe bebé, a yeme bo ésaé jé, a tabe fe nkpwa’a mefan ayap.

Sikôlô bekañete mbamba foé y’Éjôé. Sikôlô ate a tabe ngon ébaé; a volô bitôtôlô bekpwa’a mefane na be ke vôm ase be ne lôme be. Ba jô na “Me nyô, lôme’ ma!”; ba vu Yésus Krist nnye a nga zu kañete mbamba foé si va. (Ésaie 6:8; Jean 7:29) E ke tabe éza vôm a nji bo jam é ne tyi’ibi. Ba yiane yé’é mfefé ényiñ, bidi, mefulu me bôt, metum, a mfefé nkobô. Sikôlô ate a volô minlu’an a minkoé (ba be bili mimbu 23 akekui 65) na be bi mefulu ma ye volô be na be yeme bo ésaé Yéhôva.

Sikôlô ya Guiléad. E nkobô Hébreu, “Guiléad” a tinane na “mon avis a bo’olô ngume jam.” Be nga té sikôlô ate mbu 1943. E bôte be tabeya sikôlô ate be lôteya 8 000. Ba lôme be mesi mese akekui “vôm si je adañ ôyap.” (Mam minlôman 13:47) Akônda Bengaa éziñ é nji be e Pérou éyoñe bôte be nga kui sikôlô ate be nga suane wôé. Ve den, mekônda Bengaa ya si éte me nga lôte 1 000. E Japon fe, éyoñe be nga suane wôé, Bengaa ya si éte be mbe teke kui 10. Den, be lôteya 200 000. Sikôlô ya Guiléad a tabe ngon étan, a volô bongô besikôlô na be tu’a fak Mejô me Zambe. Beza ba tabe sikôlô ate? Bekpwa’a mefane be ne ngum aval, bemissionnaire, bobejañe ba saé Béthel, a bejome mekônda. Ba bo ngul ayé’é asu na ésaé nkañete é ke ôsu vôm ase ba lôme be.

  • Sikôlô bekpwa’a mefan a volô jé?

  • Sikôlô bekañete mbamba foé y’Éjôé a ne asu beza?